Озық ойлы оқушыға арналған сыныптан тыс жұмыс

Тақырыбы: Озық ойлы оқушы

(сыныптан тыс шара)

Мақсаты:

Оқушылардың мақсатқа жету барысында жауапкершіліктерін жетілдіру,

өз күшіне деген сенімін арттырып, үлкен жетістіктеріне жетуге тәрбиелеу.

Ойын түрінде өткізілетін сыныптан тыс жұмысқа 4 және 3 сынып оқушылары қатысады. Әр сыныптан 3 оқушыдан.

Ойын алаңы: магнит тақтада 1-ден 10-ға дейінгі сандар, 4 конверт :жасыл, сары, қызыл, көк. Әр оқушы бір сан таңдап алады, әр санға сәйкес тапсырма беріледі.

1. Қызыл конверт- «Әдебиет».

2. «Өрмекші торы».

3. Жасыл конверт- «Математика».

4. Лотерея билеті.

5. « От ».

6. Көк конверт- « Логика ».

7. «Алтын сандық ».

8. « Қамал ».

9. Сары конверт- « Әр түрлі сұрақтар ».

10. «Қара мысық ».

Ойын шарты:

«Қара мысық» түссе жолыңыздың болмағаны, ойын кезегі келесі топқа беріледі.

« От » келсе , жинаған ұпайларыңыздың 10 ұпайы күйіп кетеді.

«Лотерея билеті»- керісінше 10 ұпай сыйлыққа беріледі.

«Қамалға» келсеңіз , қиын сұраққа тап боласыз.

«Алтын сандық» -олжаға кенелеміз. Сыйлық аламыз, ойынды жалғастырамыз.

«Өрмекші торына» түссеңіз, көрермендер сұрағына ие боласыз. Сұрақтың

дұрыс жауабын таппаса, тордан шыға алмайды.

Жалпы сұрақ: 1желтоқсан қандай мереке? (Тұңғыш Президент күні)

Қызыл конверт «Әдебиет»

1.Сұрақ: Бір күні Төле би ұзақ сапар шегіп, жол жүреді. Сөйтіп Ақылбайдың үйіне тоқтайды. Төле биді жақсы қарсы алып, дастархан жайып,алдына бас әкеледі. Сонда, Төле би қолына пышақ алып, етті кесе бастайды, бір бөлігін аузына салып, құлағы мен таңдайын Данагүлге береді.

Тапсырма: Төле би Данагүлге не мақсатпен құлақ пен таңдайды берді деп ойлайсыңдар? Оқушы өз ойларын айтады.

Жауап: Төле би: Данагүлге таңдай берген себебім дарынды да ақылды шешен болсын деп бердім, ал құлақ берген себебім көптеген шешендік сөздерді естіп менің өсиеттерімді елге таратсын дегенім - деген екен.

2.Сұрақ:ертегі оқылады, соның мазмұнына сәйкес мақал-мәтел тауып айту керек. Алты түлкіЕртеде алты түлкі дос болыпты. Біреуінің құйрығы шолақ екен. Құйрығы ұзын бес түлкі:-«Сенің құйрығың жоқ» - деп келеке қылып, күле беріпті. Сол уақытта шолақ түлкі «осы бес түлкінің де құйрығын шолақ қылып қояйын» деп ойлап, бес түлкіге айтыпты.- «Біз бір жақсы ойын ойнайық» - деп түлкілерді алып келіп, қарағайға байлап қойып, өзі бір талдың басына шығып түлкілерге:- «Мына жақта бүркіттер келе жатыр» дейді де, өзі қаша жөнеледі. Сонда бес түлкі қашамын деп құйрықтарын үзіп, бәрі де шолақ болып қалады.…