Пән олимпиадасының пайдасы мен жеңісі биология мақаласы

Пән олимпиадасының пайдасы мен жеңісі

Қаңтардың 3-6 күндері Талдықорған қаласында Республикалық пән олимпиадасының облыстық кезеңі өтті.Оған жан-жақтан 800- астам оқушылар қатыстырылды.Ең бірінші пән олимпиадаларының ел ертеңіне тигізер мол пайдасын айтсақ!

Пән олимпиадасы мектептердегі дарынды оқушыларды анықтаудың,оларды ғылым жолына бағыттауға баламасыз жоба.Себебі,дарынды балаларды анықтау және оларды ғылымға тарту елдің ертеңіне іргетас қалау деген сөз. Дарынды тұлғаларды олимпиадаларға дайындауда олимпиадалық есептер,логикалық тапсырмалар,күрделенген олимпиадалық сұрақтар бала дарынының өсуіне,логикалық артуына үлкен септігін тигізіп, оқушыны мұқияттылықпен еңбекқорлыққа тәрбиелейді.Олимпиадаларға дайындау оқушыларды ғылым жолына түсуіне көмек жасап,елдің болашақ ғылыми базасын қалыптастыруға тың үлес қосады .Олимпиадалық тапсырмалар оқушыларға дұрыс ғылыми көзқарас қалыптастыруға бағыт сілтеп,ғылымға деген құштарлығын арттырады. Пән олимпиадаларын дамытудың елдің дамуымен нағыз мәңгілік елге айналуына қосатын үлесі аса зор,оны ғылыми сараптамадан өткізіп дамыту –кезек күттірмейтін маңызды шаруалардың бірі.Ал,химия,физика,математика,биология және география секілді математика-жаратылыстану бағытындағы пәндерге басымдылық беру – елдің географиялық ерекшелігі.Себебі,елдің териториялық ауқымдылық ерекшелігі мен байлық қоры осы ғылымдарға мән беруді қажет етеді.

Мектебімізден облыстық олимпиадаға биология пәні бойынша қатысып, жүлделі оралған 11 сынып оқушысы Төлеубек Нұршатты айтқым келеді. Бұл жеңіс – мектеп жеңісі! Оқушының пән олимпиадаларына деңгейі жоғарлаған сайын сәйкесті түрде ұстаздардың да деңгейі жоғарлай түседі. Әлемнің екінші ұстазы Әл-Фараби:»Адаммен жұмыс істеу- ең үлкен өнер» дейді.Сол үлкен өнердің кілтін ұстаған ұстаз үшін әр оқушының тағдыры – үлкен жауапкершілік.Оны сезіну – әр мұғалімге міндет. Сол себепті биік жетістікке жетер оқушыны танып,бағалап, баулу ұстаздықтың ең биік мәртебесі!

Жарылкасымова Эльмира Амангельдиновна

«М.Маметова атындағы орта мектебі мектепке

дейінгі шағын орталығымен» КММ-нің

химия,биология пәнінің мұғалімі.