Патриотизм – ұлттық рухтың асқақ белгісі тәрбие сағаты

КММ Күншалған орта мектебі

Тәрбие сағатының тақырыбы:

Өткізген: Санакова А.Ж.

Сынып: 9 «А» сынып

Мерзімі: 01.09.2018

2018 оқу жылы

Тәрбие сағатының тақырыбы:

«Патриотизм – ұлттық рухтың асқақ белгісі»

Мақсаты: Елімізде өскелең ұрпақтардың Отанға деген патриоттық сезімдерін ояту және одан әрі арттыру. Жас ұрпақты Отансүйгіштікке, елжандылыққа тәрбиелеу. Өз Отанына шексіз берілген, патриоттық рухы жоғары, қайсар жауынгер аға-апалардың ерлігін үлгі ету. Армысыздар! Құрметті ата-аналар, ұстаздар, оқушылар.

Бүгінгі «Патриотизм – ұлттық рухтың асқақ белгісі» атты тәрбие

сағатымызға қош келдіңіздер.

1 жүргізуші: Сайфолда Әсия

Тәрбие сағатымызды бастамас бұрын өз еліміздің яғни Қазақстанымыздың әнұранымен бастамақпыз. (Әнұран орындалады)

Отансүйгіштік қай елдің болмасын алтын босағасы. Адам тәнін жан билесе, Отан тәнін халқының оған деген сүйіспеншілігі билейді. Бұған ешкімнің күмәні жоқ.

2-жүргізуші: Смагулова Ботагоз

Елбасының Қазақстан халқына Жолдауында «Өз бойымызда және бабаларымыздың бойында жаңа қазақстандық патриотизмді тәрбиелеуіміз керек». Бұл ең алдымен елге және оның игіліктеріне деген мақтаныш сезімін ұялатады», - деген сөзінің өзі «Балам деген жұрт болмаса, жұртым дейтін бала қайдан болсын» деген Ахмет Байтұрсынұлының сөзімен дәлме-дәл келгендей.

1-жүргізуші: Сайфолда Әсия

Қазақстандық патриотизмнің негізі – ежелгі ұлттық салт-дәстүр, әдет-ғұрып, аңыз - ертегілер, жырлар, кешегі кеңестік ортақ дәуір, Ұлы Отан соғысындағы түрлі ұлт өкілдері – қазақстандық батырлардың ерліктері туралы тарихи деректер болып табылады. Осыған орай бүгінгі кешімізді 3 кезеңге бөліп отырмыз.

Бүгінгі тәрбие сағатымыздың кезеңдері:

1. Ежелгі ұлттық салт-дәстүр, әдет-ғұрып, аңыз-ертегілер, жырлар сыр

шертеді (сұрақ-жауап)

2. Негізгі ұғымдармен жұмыс

3. Ұлы Отан соғысындағы түрлі ұлт өкілдері – Қазақстандық

батырлардың ерліктері

2-жүргізуші: Смагулова Ботагоз

Алғашқы кезең. Ежелгі ұлттық салт-дәстүр, әдет-ғұрып, аңыз-ертегілер, жырлар сыр шертеді (сұрақ-жауап)

1. «Мен қазақпын, мың өліп, мың тірілген» өлеңінің авторы кім? (Жұбан Молдағалиев). Міне керемет,бұл өлеңнің тарихы өте жақсы қазақтың қазақ екенін білдіреді.Олай болса келген қонақтарға осы өлеңнің бірер шумақ аитып жіберсеңіз.

2. Қазақтың ұлттық ойындарын ата? (Ханталапай, қыз қуу, бәйге, аламан күрес, көкпар, тоғызқұмалақ, асық)

3. Қазағымыздың әйгілі үш данасын кім біледі? (Абай, Шоқан, Ыбырай)

4. Қасиетті киіз үйдің құрылысы (шаңырақ, уық, кереге, иіні, түндік, туырлық т.б.)

5. Қазақтың ұлттық аспаптарын ата (Домбыра, қобыз, сазсырнай, дауылпаз, жетіген) Ия дұрыс достар, соның ішіндегі домбыра – сан ғасырлардан бері қазақтың сырын сақтаған, қазақ даласында кеңінен танымал аспап. Ол – қазақтар өмірінде маңызды орын алатын, өзіндік музыкалық сипаты бар аспап. Алғаш эпикалық дәстүр шеңберінде жыр, толғау, термелерді сүйемелдеуге қолданылған домбыра кейін аспаптық шығарма-күй жанрының қалыптасуына ықпал еткен. Нағыз қазақ қазақ емес, нағыз қазақ домбыра деген ата-бабам.

6. Қазақтың үш биін ата (Төле би, Қазыбек би, Әйтеке би)

7. Мақал, мәтел халықтың барлық өмір тәжірибелерін үлгілі, қысқа түрде айтады. Туған жер, отан, еңбек туралы қандай мақал – мәтелдер білесіздер? («Еңбек түбі-мереке», «Ат-ер қанаты», «Еңбегі аздың – өнбегі аз», «Туған жердің тауы ыстық», «Ер жігіт елі үшін туады, елі үшін өледі», «Елін сүйген ер болар» т.б.)

8. Батырлар жырын тудыратын халық десек, батырлардың халықтық сипаттары қандай болған? (Олар халықты езушілерге қарсы күрес жүргізеді, еңбек

адамын азаптан, құлдықтан, ауыр өмірден құтқару үшін халықты бақытқа жеткізу үшін әрекет етеді)