Патриотизм мен ұлттық рухты тәрбиелеу туралы мақала

ПАТРИОТИЗМ – ҰЛТТЫҚ РУХТЫҢ АСҚАҚ БНЛГІСІ

Қырықбай Күләш Мұхатайқызы-тарих пәнінің оқытушысы

Атырау жоғары көпсалалы «Болашақ» колледжі

«Патриот - Отанға қызмет етуші адам, ал Отан

дегеніміз ,ең алдымен, халық»

Б.Момышұлы

Егемендігімізді алып, тәуелсіздікке қол жеткезген күннен бастап, жас ұрпақты отансүйгіштікке, ұлтжандыққа баулу ісі басты мәселе болып отыр. Байтақ қазақ даласын пана еткен тілі басқа болса да тілегі бір, түрі басқа болса да жүрегі бір барша халықтың бойына қазақстандық патриотизмді сіңіру маңызды дүние. Бүгінде бұл мәселе барлық қоғамдық, мемлекеттік, саяси, мәдени-рухани тақырыптардың басты өзегіне айналуда. Патриотизмнің негізгі мағынасы әр азаматтың өз ұлтын, өз отанын сүюден басталады. «Ұлттық патриотизм» және «Қазақстандық патриотизм» ұғымдары арқылы отан, туған өлке, туған халқы туралы нақты түсініктер берудің тиімділігі арта түспек. Ал түсінік дегеніміз - бір нәрсенің мағынасын, мәнін ұғыну.

Мемлекет тұтастығын сақтаудың бірден-бір кепілі –патриоттық сезім.Отанға деген сүйіспеншіліктен, Отанға қызмет етуден артық құнды ұғым жоқ,- деді Президент Қасым-Жомарт Тоқаев.[1] Сондықтан жас қазақстандық ұрпақтың патриотизм, азаматтық және әлеуметтік жауапкершлік сияқты сапаларын қалыптастыру мақсатында тәрбие беру мақсаттарын жетілдіру маңызды міндет екенін көреміз.

Қазақстандық патриотизмнің негізі қазақ мемлекетіне деген сүйіспеншілік, өз ұлтына сенімі, нанымы, саяси көзқарасы т.б. қарамастан, әрбір қазақстандық өзі өмір сүріп отырған мемлекетін «Отаным» деп тануы, оның негізін салып отырған қазақ ұлтына сыйластық,оның заңдарына бас ию, рәміздеріне құрмет, жетістігіне сүйсіну сияқты белгілері болуы керек деген ой келіп туады.Туған халқымыздың өткен тарихына көз жіберсек,отансүйгіштіктің басты үлгілерін көре аламыз.Бүгінгі күні тәуелсіз ел болып,қазақ деген ұлт болып отыруымыздың өзі ата- бабаларымыздың ғасырлар бойғы теңдесі жоқ ерлігінің,күресінің арқасы.Қолдарына найза алып, ел қорғаған, жер қорғаған әр батырдың жүрегінде ұлы сезім – Отанға деген сүйіспеншілік және сол Отанға қызмет ету болды.Яғни,тарихтың қай қойнауынан ақтарсақ та,қазақ елінің қай шежіресіне көз жүгіртсек те батырларымыздың ерліктері мен отансүйгіштігі

халқымыздың жарқын болашағына кепіл бола білген. Себебі, ол табиғаттан, ұлттық тәрбиеден берілген сезім болатын.

Қазыбек би:«Атадан жақсы ұл туса, елінің туы болады.Атадан жаман ұл туса, көшінің соңы болады», – деген. Осындай аталы сөздер ғасырлар бойы халқымызды жігерлендіріп,қанына сіңген қасиетке айналған.Тарихи мәліметтерге көз жүгіртсек,жоңғар шапқыншылығы кезінде не болмаса бер жағындағы ұлт азаттық көтерілістерді алып қарайтын болсақ,ондағы батыр бабаларымыздың ешқайсысы бүгінгідей жүйелі патриотизмге тәрбиелеудің тезіне салынбаған.Бірақ олар елін,жерін, отанын қорғауда жанын аямаған. Осындай тарихи тәжірибелерден, сол кездегі отбасы тәрбиесіндегі отансүйгіштік сезімінің қалыптасуына отбасындағы тәрбиенің ықпалын елемей қоюға болады. Болашақ ұрпағымызды білімді, туған елін, жерін сүйетін өнегелі ұрпақ етіп өсіргіміз келсе, онда келешек ұрпақ тәрбиесіне, соның ішінде бүгінгі күні тәуелсіздікке қол жеткізіп отырған егеменді елімізді дамыту мен қорғау міндеттерінің тереңдей түсуіне байланысты, патриоттық тәрбиенің орны бөлек.Патриотизм туралы Мемлекет басшысы Қасым-Жомарт Тоқаев: «Еліміздің әрбір азаматы жұртшылықтың алдына шыққанда ұлттық мүдде мен қазақстандық патриотизм қағидаттарын басшылыққа алуы керек»,деген еді. [1] Осы тұрғыда өсіп келе жатқан ұрпақтың бойына патриотизм құндылықта

Сондай-ақ Президент «патриотизм – мемлекет пен мемлекеттік институттарды құрметтеуді қамтиды.Біздің ортақ міндетіміз – мемлекетіміздің құндылықтарына қатыс болу.Біздің басты байлығымыз – игілік пен бірлік,тұрақтылық пен тынышық ,бейбітшілік пен келісім.Көпшілік,әсіресе жастар, егер мемлекет болмаса,онда ұлт болмайды деп түсінуі керек.Бүгінгі ұрпақ еліміздің тұтастығын сақтауға атсалысуға тиіс» деп көрсеткендей,

қазақстандық патриотизмнің анықтамасы да осынау парасатты ойдан бастау алатындай.

Патриоттық тәрбиені ұрпақ бойына сіңіру үшін әр уақыттағы қазақ халқының басынан өткен оқиғаларды айта отырып, түсіндіруіміз қажет. Патриоттық сезім тәрбие арқылы қалыптасады, ол жетіліп патриоттық сана түріне айналады. Сонда ғана жеке адам өз ұлтына тән ерекшеліктерді түсініп, сезініп, өз ұлтының бабаларының қаиеттерін бойына жинақтайды. Студенттердің дүниеге көзқарасын қалыптастыруда Қазақстан тарихы сабағының да маңызы зор деп айта аламын. Өйткені тарих адамзаттың басынан өткізген тарихи-мәдени құндылықтарын оқытып үйретуді мақсат етеді. Сонымен бірге, сабақтың тәрбиелік міндетінде жүзеге асыру үшін оқытушыға қосымша материалдар пайдаланумен бірге, өтілетін тақырыптың мазмұнына байланысты белгілі оқу-тәсілдерінен басқа, өлке материалдарын пайдалану да студенттерге өз Отанының тарихын, өлке тарихын сүюге, құрметтеуге шақырады. Сөйтіп өз жерінің қадір қасиетін біліп, танып өскен ұрпақ сол елдің азаматы болмақ. Отансүйгіштік сезім, рух ол біздің егеменді елімізді өркениетті елдердің санатына қосып, дамыған елдердің қатарынан өзіне тиесілі орын алуына ықпал ететін қуаттардың бірі.

Президент жастарға «Тәуелсіздігімізді нығайтып,елімізді одан әрі өркендету қазіргі ұрпақтың қасиетті борышы.Сондықтан біз сіздерге зор үміт артамыз»[2] деп,жастарға сеніп қана қоймай,үміт те артуының өзі қазақ жастарының бойына отансүйгіштік қасиетін арттырады.

Олай болса, студенттерге патриоттық сезімдерді жеткізе білсек, студенттің көкейіне патриотизм туралы ой сала білсек, заманға сай, қоғамға керекті азамат, отансүйгіш азамат және елге қызмет ететін жастарды тәрбиелейміз. Өйткені Тәуелсіз Қазақстанның нағыз патриоттарын тәрбиелеу ұстаздар қауымының жауапкершілігіне жүктеледі.

Пайдаланған әдебиеттер:

1.Президент Қасым-Жомарт Тоқаевтың Қазақстан халқы Ассамблеясының «Ел бірлігі –жаңарған Қазақстанның тірегі» атты XXXІ сессия жұмысындағы сөйлеген сөзі 2022 ж. 29 сәуір

2.Мемлекет басшысы Қ.Тоқаевтың Жастар жылының жабылуы және Волонтер жылының басталуы рәсіміне арналаған шарада сөйлеген сөзі 2019ж.29 желтоқсан

Қырықбай К.М.

Туған жерге,оның мәдениеті мен салт-дәстүрлеріне айрықша іңкәрлікпен атсалысу – шынайы патриотизмінің маңызды көріністерінің бірі.

Н.Ә.Назарбаев «Болашаққа бағдар-рухани жаңғыру»

Түйіндеме:

Түйінді сөздер:

Патриотизм – ұлттық рухтың асқақ белгісі

Егемендігімізді алып,тәуелсіздікке қол жеткезген күннен бастап, жас ұрпақты отансүйгіштікке, ұлтжандыққа баулу ісі басты мәселе болып отыр. Байтақ қазақ даласын пана еткен тілі басқа болса да тілегі бір, түрі басқа болса да жүрегі бір барша халықтың бойына қазақстандық патриотизмді сіңіру маңызды дүние. Бүгінде бұл мәселе барлық қоғамдық, мемлекеттік, саяси, мәдени-рухани тақырыптардың басты өзегіне айналуда. Патриотизмнің негізгі мағынасы әр азаматтың өз ұлтын, өз отанын сүюден басталады. «Ұлттық патриотизм» және «Қазақстандық патриотизм» ұғымдары арқылы отан, туған өлке,…