Патриоттық ән мен би байқауына арналған тәрбие сағаты

Аюпова Назым Байдуллақызы

информатика арнайы пән оқытушысы, жоғары санатты

Маңғыстау облысы

Бейнеу ауданы

«Бейнеу гуманитарлық-экономикалық колледжі» МКҚК

17- қараша студенттер күніне арналған Тәуелсіздігіміздің 27 жылдығына орай «ЖастарҚазақстанныңмболашағы» атты студент жастардың патриоттық ән-би байқауы.

Тәрбие сағатының мақсаты: Студенттерді мереке тарихымен таныстыру. Студент жастардың Қазақстанның болашағына деген патриоттық сезімі мен азаматтық жауапкершілігін, әлеуметтік белсенділігі мен рухын арттыруға бағытталған.Белсенділікке, жан-жақтылыққа, уақытын тиімді пайдалануға, жаман әдеттерден аулақ болуға тәрбиелеу. Студенттік кезде терең білім алып, бәсекеге қабілетті маман болып шығуға үндеу.

Тәрбие сағатының көрнекілігі: «Студенттік өмірдің алғашқы кезеңдері» атты презентация.

Тәрбие сағатының өткізілетін орны: файе

Топ жетекшісі: Құрметті оқытушылар мен студенттер! Бүгінгі «Студенттер күні» мерекесі құтты болсын! 17- қараша студенттер күніне арналған «информатика пәнінен бастауыш білім беру мұғалімі» бөлімінің ИнБ-84 топ студенттерінің ұйымдастыруымен «Жастар Қазақстанның болашағы» атты патриоттық ән-би байқауына қош келдіңіздер! Студенттік шақ Сіздердің өмірлеріңіздегі қызығы мен шыжығы мол үлкен мектеп. Білімді студент білікті маман болады. Білікті маман беделді тұлға болады. Ел біртуар тұлғасымен тұғырлы болады. «Бейнеу гуманитарлық-экономикалық колледжі» түлегі ретінде еліміздің тұғырын биіктетер ұл-қызы болыңыздар. Аңсаған армандарыңызға, алға қойған мақсаттарыңызға жетіңіздер! Білікті маман атанып, еліміздің әрбір саласында «Бейнеу гуманитарлық-экономикалық колледжі» шәкірті деген құрметке ие елеулі азаматтары болуларыңызға шын жүректен тілектеспін!

Келесі кезекті бүгінгі Тәуелсіздігіміздің 27 жылдығына орай «Жастар Қазақстанның болашағы» атты патриоттық ән-би байқауының жүргізушілеріне берейік.

1-жүргізуші: Армысыздар, қадірменді халайық!Сәлем сөздің сыр айнасын ашайық.Қуанышты шаттықпенен жүздесіп, Баршаңызға мол қуаныш сыйлайық.

Сәлеметсіздерме ме, құрметті оқытушылар мен студенттер! Бүгінгі біздің кешіміз қызықты да көңілді студенттер күніне арналады!

2-жүргізуші: - Айтулы студенттер мерекесінің тарихын біреу білсе, біреу білмес. Мереке тарихын біліп жүргеніміз артық болмас.

1-жүргізуші: 1946 жылы 17 –қарашада Дүниежүзілік студенттер конгресі өтті. Прага қаласында ұйымдастырылған шара патриот студенттерге арналған еді. Чехтардан бастау алған айтулы күнді ойын-тойсыз, көңілді кешсіз өткізбейміз. Бірақ тарихы қанды оқиғамен байланысты. 1939 жылы 28-қазанда Чехословакияны фашисттер басып алған болатын. Сол кезде Чехословакия мемлекетіндегі білім күнінің бір мерекесін атап өтпекке прагалық студенттер мен олардың оқытушылары шеруге шығады. Басқыншылар шеруді таратады, сөйтіп атысты бастайды. Медицина факультетінің студенті Ян Оплетал да сол кезде қаза тапқан.

2-жүргізуші:Ян Оплеталдың қазасынан кейін 15-қарашада студенттер қайта көтеріледі. Сол кензде ондаған шерушілер тұтқынға түседі. 17-қарашада гестапошылар мен эсэсшылар таңертең жатахананы қоршап алады. 1200-ден астам студентті тұтқындап, Заксенхаузен концлагеріне қамаған. Студенттер қозғалысының белсенділері мен тоғыз студентті Рузина ауданындағы түрмеде дарға асқан. Гитлердің бұйрығымен чехиялық жоғары оқу орындары соғыс біткенше жабылды.Мереке тарихымен таныс болдық, ендігі кезекке ИнБ-84 тобы студентінің әнші қыздарына береміз.

1-жүргізуші: Ащыны да, тәттіні де көріп тұрар, Сонда да жанарыңда бақыт тұрар. Бірде аш, бірде тоқ боп жүретұғын, Біз сияқты "студенттер" бақыттылар! –дей келе «Жастар…