Педагог мамандығының мәртебесін қалай көтеруге болады

«Педагог мамандығының мәртебесін қалай көтеруге болады?» эссе.

Мемлекет дамуында ғылым мен білімнің алатын орны ерекше болмақ. Егемен елімізді өркениетке жетелейтін білімнің бастауында мектеп, ал сол мектепте жас ұрпақ бойына білім нəрін беретін ұстаз тұрады. Мұның өзі бүгінгі таңда мұғалім беделін арттыру, оның мəртебесін көтеру өзекті мəселе екендігі дау туғызбаса керек.

Елбасы Жолдауында «Педагог мәртебесі туралы» заңды әзірлеп, қабылдау керектігін атап өтті. Жолдауда ұстаздардың мәртебесін көтеру, мұғалімдерге үлкен қолдау көрсету қажеттілігі айтылды.

Педагог мәртебесін көтермей білім саласында жетістікке үміт арту мүмкін емес. Мектеп ішіндегі қағаздарының өзіне кейде үлгеріп, кейде үлгермей жүретін мұғалімдердің негізгі сабақ өткізуі, тəрбие жұмыстарын жүргізуі сияқты қызметтерін талапқа сай өткізуге күштері жете бере ме екен!.

Мұғалімге сын айтушылар өте көп. Осы орайда «Мұғалім мәртебесін арттыру – адам капиталын құрметтеуге бағытталған құтты қадам.

Ұстаздарға мемлекеттік тұрғыдан қолдау көрсетілуі, заң әзірленуі – көңіл қуантады. Бұл тұрғыда педагогтер де инновациялық технологияларды меңгеріп, білімін жетілдіріп, тәжірибесін арттырып отырулары керек.

Ол үшін мұғалімнің білімі мен біліктілігі оның педагогикалық шеберлігіне ұштасуы керек.

Қазіргі заманда адами капитал қоғам, мемлекет алдындағы маңызды міндеттерді шешуде басты рөл атқаратын әлеуетті күш, құнды ресурс саналуда.

Елбасы Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» атты биылғы Жолдауында адами капитал бес басымдықтың бірі ретінде арнайы аталып, оның сапасын жақсарту қажеттігі айтылды. Демек, бүгінде адамның жасампаздық қабілетін оның ақыл-ойын, білім-білігін жетілдіру арқылы дамыту алдыңғы орынға шығып отыр.

Ал, оны жүзеге асыру алдымен білім беру саласы қызметкерлерінің еншісінде. Әрине, педагогтардың бәрі бірдей емес, сондықтан болар, мұғалімдер көп, нағыз ұстаздар аз дейтініміз.

Шынында да, қырық жыл мұғалім болса да, деңгейі шамалы, ортаңқол маман ретінде көптің арасында еленбей жүретіндер аз емес.

«Педагог мамандығының мәртебесін қалай көтеруге болады?»-атты эссемді мен В.Маяковскийдің сөздерімен аяқтағым келеді: «Ұстаз ізденгіш болуы, ойлай білуі, қандай істі болсын, бар ынтасымен атқара білуі керек».