Педагог мәртебесін көтеру туралы эссе 3 сынып

Педагог мәртебесін көтеру - жаңашыл мұғалімді қалыптастырудың

бастауы. (Эссе)

Ақырын жүріп, анық бас,

Еңбегің кетпес далаға.

Ұстаздық қылған жалықпас

Үйретуден балаға. Абай Құнанбаев.

Ұлт болашағы, елдің сенімі –қазіргі жастар десек, сол мұрагерлерді тәрбиелейтін оқытып, санасын қалыптастыратын - педагог мұғалім. Жастарды жастайынан, бүлдіршін боп уылжып, мектеп табалдырығын аттаған сәттен-ақ, баурап алатын, білім беретін мектеп айнасы – ол педагог. Ал оның деңгейі мен дәрежесін көтеру қашан да маңызды, қалай да қажетті. Ұлт тәрбиешісі саналатын педагог мәртебесі мен кәсіби біліктілік деңгейін көтеру-әрқашан заманауи білім берудің стратегиялық құралы болып табылады. Білім берудің жаңа модельдері ойластырылып, білім беру жүйесіне енгізілуде, алайда сол негіздерді үйрететін, дәріс беретін мұғалімдердің жаңашылдығын да ұмыт қалдырмау керек.

Мемлекет мұғалімнің кәсіби шыңдалып, заманға лайықты мәртебелі мамандық иесі аттандыруға барынша тырысып бағуда. Сол талапты орындауға міндетті мұғалім өзі де ізденіп, білімді, білікті ұстаз атануға ұмтылғаны абзал. Мерейлі мамандықтың қазіргі қоғамда бағасы кеміп, бейнеті артты. Ы.Алтынсарин: «Мұғалім бәрінен де қымбат, өйткені мұғалім-мектептің жүрегі» деген. Қалыптасқан қағиданы бұзып, адамзат тарихындағы қадірлі мамандықтың қадірін кетіріп жүрген, ата-аналар мен оқушылар арасында түсінбеушілік бар. Алайда, жалқыны жалпыға теңеп, бәріне бірдей баға беретін ата-ананың көзқарасын өзгерту керек. Ұстаздарды «менсінбей» қарайтын оқушы да, ата-ана қатары толығып барады. Ұстаздың ұлылығына шек келтіріп, біліктілігінен бейқам тірліктер, мінезінен мін іздейтіндер көбейді. Оған кінәлі кім немесе кімнің әрекеті дұрыс?

Мұғалім –зор тұлға, ол күннің құдіретті сәулесі сияқты. Өйткені, ең жауапты міндет орындайды-ол адамды қалыптастырады. Енді мұғалімге құрмет пен қошемет білдіріп, ұстазды ұлықтау көзқарасы артса, еңбегінің еленгені, шәкіртпен қарым-қатынастың өзгергені. Билік, заман өзгерсін, уақыт талабы өзгеріс тапса да, мұғалім мерейінен түспеуі қажет, ал сол көшкен заманға ұстаздың ілесіп отыруы заңды.

Жақсы ұстазға өзінің оқытатын пәнін терең білуді, адал да сезімтал жан дүниесі жарқын жақсы қасиеттер тілейміз.