Педагогикалық тәжірибе бойынша мінездеме үлгісі

qХ. Досмұхамедов атындағы АтМУ – нің Гуманитарлық ғылымдар жəне өнер факультетінің Қазақстан жəне

дүниежүзі тарихы кафедрасының 5В011400 «Тарих» мамандығының II курс студенті:

Баймағамбетов Ерлан Русланұлына

МІНЕЗДЕМЕ

Баймағамбетов Ерлан Русланұлы – Үш тілде оқытатын дарынды балаларға арналған № 30 мектеп – гимназиясында 29.01.2018 – 12.05.2018 жж. аралығында педагогикалық – психологиялық іс – тəжірибеден өтті.

Педагогикалық – психологиялық іс – тəжірибеден өту кезінде Баймағамбетов Ерлан өзін жақсы жағынан көрсете білді. Тəжірибенің алғашқы күнінен бастап оқушылармен танысып, тез тіл табысып, оларды өзінің мəдениеттілігімен, кішіпейілдігімен, қарапайымдылығымен əрбір оқушыны өзіне баурай білді. Бірінші күннен бастап – ақ өз ісіне ұқыптылығымен, жауаптылығымен, тиянақтылығымен көрінді. Берілген жұмысты уақытылы жəне сапалы орындай білді. Мектепте, мектептен тыс болған іс – шараларға белсене қатысып жүрді. Мектептегі мұғалімдер ұжымымен жақсы қарым – қатынаста болды. Баймағамбетов Ерлан тəжірибе барысында мектепке үнемі мол дайындықпен, көп ізденіспен келеді. Мінезі ашық, өз жұмысына ынталы, мектептің барлық мұғалім – қызметкерлерімен тез тіл табыс алды. Сынды дұрыс түсінеді, кемшіліктерін тез түзетуге тырысады. Баймағамбетов Ерлан болашақта білімді де білікті, үлгілі еліне адал қызмет ететін азамат болатынына сенемін жəне педагогикалық – психологиялық іс – тəжірибені «5» (үздік) деп бағалаймын.

Үш тілде оқытатын дарынды балаларға арналған № 30 мектеп – гимназия директоры: Есқайырова Г. С.

Директордың оқу ісі жөніндегі орынбасары: Сармолдаева У. М.

Жетекшісі: Утепкалиева М. К.