Педагогикалық ұстаным туралы эссе жұмысы мұғалімдерге

Бала жүрегі- кішкентай күй сандық.

Сол сандықтың кілтін тапсаң ғана ашылады .

Мұғалімнің қолында әр кезде сол кілт тұру керек.

М. Шаханов

«Менің педагогикалық ұстанымым»

Эссе

Адамзат қоғамы қай кезеңде де ғылым, білім мәселесіне ерекше көңіл бөлген. «Оқу шала естіні бүтін, бүтін естіні данышпан қылады», деп айтқандай мұғалімнің ең бірінші қасиеті – ұғындыра білуі, өз көкейіндегісін оқушыға жеткізе білуі. Екіншіден – әділ талап ете білуі.

Мен бүгінгі таңда білім беру саласында 19 жылдай еңбек етіп келемін. Алға үмітпен талпынған оқушылардың алдында менің ұстаз ретінде үлкен жауапкершілігім бар екенін іштен сезінемін. Сондықтан менің өзіме қояр талабым, алдыма қойған мақсатым жоғары болуы тиіс, өйткені сол жарқыраған шамшырақты дер кезінде байқап, дер кезінде жаға білу – менің ұстаздық парызым. Халқымыз әрқашанда ұстаз мәртебесін көтеріп, аса жоғары қастерлеп, бағалаған. Ұлы Абай “Адамның адамшылығы жақсы ұстаздан болады”, деп айтқаны белгілі. Жақсы ұстаз— бұл қай кезде де ең алдымен кәсіби деңгейі жоғары, интеллектуалдық, шығармашылық әлеуеті мол тұлға. Ол оқытудың жаңа технологияларын өмірге ендіруге дайын, оқу-тәрбие ісіне шынайы жанашырлық танытатын қоғамның ең озық бөлігінің бірі.

Еңбек жолымдағы педагогикалық ұстанымым – үнемі жаңалыққа ұмтылып, алдыңғы қатардан көріну және әр оқушының бойынан жақсылық тауып, бұлақтың көзін ашу арқылы биік мақсаттарға жетелеу.Бұл міндетті жемісті орындау үшін, оқушының пәнге деген қызығушылығын артыру үшін оқытудың көптеген жаңа әдіс- тәсілдерін алып, өз іс- тәжірибемде ұтымды пайдалана білуге тырысамын.

Қазақстан Республикасы педагог кадрларының біліктілігін арттырудың деңгейлі бағдарламалары аясында үшінші деңгейлік курстан өтуім – оқушыларды физика пәніне қызықтыруға, сабақты жандандыруға зор септігін тигізді. Жаңаша оқыту технологиясы негізінде өз бетімен ойлай алатын, білімі мен қабілетін қолдана білетін, ұйымдастыру жұмысына қабілеті бар оқушы , яғни көшбасшы табуға мүмкіндік болады. Білім берудің жаңа үлгісінде ұстаз белсенді танымдық әрекетке талпынған оқушының кеңесшісі қызметін атқарады.

Заман талабына сай ХХІ ғасыр оқушысының бойында төмендегідей қасиеттер болуы қажет. Өз бетінше көп оқып іздену, шығармашылық ойға беріліп, тосын идеялар толтырып отыру, ақпараттар ағынын…