Пікірсайыс туралы ашық сабақ, 4 сынып

Іс-шараның атауы: "Цифрлық әлем: Достық па, қауіп пе?"

Формат:Дебат

Сабақтың мақсаты:

Білімділік: оқушылардың информатика пәніне деген қызығушылықтарын арттыру, танымдық іс - әрекеті мен ақпараттық мәдениетін қалыптастыру.

Дамытушылық: ойлау қабілеттерін дамыту, сөз мәдениетін жетілдіру, шығармашылық ізденістерін арттыру.

Тәрбиелік: өз білімдерін дамытуға, бір – бірін құрметтеуге, информатика пәні туралыбілімін толықтыру.

Қатысушылар: 5-сынып оқушылары

Жүргізушілер:1-жүргізуші және 2-жүргізуші: Бейсембаева Балжан, Есимбекова Наздана, Даулетбекова Аяулым

Кіріспе сөз

1-жүргізуші:

Қайырлы күн, құрметті оқушылар мен ұстаздар! Бүгінгі сыныптан тыс іс-шарамызға қош келдіңіздер! Бүгін біз қазіргі заманның ең маңызды мәселелерінің бірі – цифрлық әлем туралы пікір алмасамыз.

2-жүргізуші:

Иә, дұрыс айтасыз. Цифрлық әлемнің пайдасы да, кері әсері де бар екені бәрімізге мәлім. Осы орайда, бүгінгі дебатымыздың тақырыбы – "Цифрлық әлем: Достық па, қауіп пе?". Оқушылар екі топқа бөлініп, бірі цифрлық әлемнің пайдасын дәлелдесе, екінші топ оның қауіптерін көрсетеді.

1-жүргізуші:

Ендеше, сіздерді дебаттың ережелерімен таныстырып өтейік. Әр топқа өз позициясын қорғау үшін 3 минут беріледі. Әр топ өз дәлелдерін нақты әрі қысқа жеткізуге тырысуы қажет. Сұрақтар қойып, қарсы пікір білдіруге де мүмкіндік бар.

2-жүргізуші:

Сөз кезегін алған әр топ кезек-кезек өз дәлелдерін келтіреді. Ендеше, бірінші сөзді "Цифрлық әлем – достық" тақырыбын қолдайтын топқа береміз.

1-раунд: "Цифрлық әлем – достық" тобының пікірі

1-жүргізуші:

Қош келдіңіздер, алғашқы топ! Сіздерге 3 минут уақыт беріледі. Өзіңізді сенімді сезініңіздер, цифрлық әлемнің артықшылықтарын бізге дәлелдеп көріңіздер.

(Топ мүшелері өз дәлелдерін келтіреді, мысалы, цифрлық технологияның білімге қолжетімділікті арттыруы, медициналық жетістіктер, әлемді жақындастыруы, адамдар арасындағы байланыстарды жақсартуы туралы айтуы мүмкін)

2-жүргізуші:

Тамаша, сіздердің дәлелдеріңізді тыңдап, цифрлық әлемнің шын мәнінде пайдалы екенін көрдік. Енді, қарсы жаққа өз ойларын айтуға мүмкіндік берейік.

2-раунд: "Цифрлық әлем – қауіп" тобының пікірі

1-жүргізуші:

Қазір сөз кезегін "Цифрлық әлем – қауіп" деген пікірді қолдайтын топқа береміз. Сіздер де 3 минут ішінде цифрлық әлемнің кері әсерлерін жеткізіңіздер.