Пияз егу ашық оқу қызметі мектепке дейінгі балаларға

Білім беру саласы: Таным

Бөлімі: Жаратылыстану

Тақырыбы: «Табиғат бұрышындағы тіршілік» табиғат бұрышындағы еңбек.

Мақсаты: Балаларға табиғат бұрышындағы тіршілік жайлы түсінік беру. Жұмбақтарды шешу арқылы ойлау, тәжірибе жасау арқылы қабылдау қабілеттерін, сөздік қорын дамыту. Өсімдікті отырғызудың, күтіп – баптаудың жолдарын көрсете отырып, өсімдіктерді өсіруге оларды күтіп – баптауға талпындыру. Жанашырлыққа, достыққа тәрбиелеу.

Көрекі – құралдар: Табиғаттың суреттері. Пияз, суқұйғыш, топырақ салынаған ыдыс, балалардың қолына киетін жұмыс қолғабы мен алжапқыш.

Сөздік жұмыс: Өсімдік.

Билингвальді компонент: Табиғат – природа. Пияз – лук.

Пайдалынған технология: АКТ. ӨТШТ зерттеу. Монтессори технологиясы.

Кіріспе бөлім

Шаттық шеңбері:

Сәлем саған алтын күн!

Сәлем саған көк аспан!

Сәлем саған жер ана!

Сәлем саған достарым!

Өтпелі тақырып «Бізді қоршаған әлем».

Негізгі бөлім

Миға шабуыл:

-Балалар, мен сендерге бір ғажайып қорапшаны ала келдім. Бұл қорапшаның ішіндегінің атын тапсаңдар, біздің бүгінгі әңгімеміз соған байланысты болады. Ол не екен, кім таба алады?

-Балалар, жұмбақ шешейік.

Қалың киімді ұнатады,

Шешіндірсең жылатады. (Пияз)

Ұрмай соқпай жылатады.

Әркім бірақ ұнатады. Ол не? (Пияз)

-Дұрыс айтасыңдар. Бұл пияз. Балалар, сендерге мен тағы пияз туралы тақпақ айтып берейін.

Асханадан шықпаймын,

Атым – пияз бұқпаймын.

Көзден жасты шығарып,

Тұмаудан бірақ сақтаймын.

Пияздың құрылымы: Презентация арқылы пияздың құрылымын көрсету.

1.Шашақ тамыр.

2.Пиязшық.

3.Өскін.

4.Ішкі шырынды жапырақтары.

5. Сыртқы кебу қабыршықтар.

Билингвальді компонент: Табиғат – природа. Пияз – лук.

Сергіту сәті:

Е.Железнева «Червячки» әні.

-Балалар, қазір біз пиязды отырғызамыз. Пиязды отырғызбастан, бірнеше күн бұрын суға салып тамырландырып аламыз.

«Пияз отырғызу» тәжірибесі:

Пияздың басқа өсімдіктердегі сияқты тамыры, жапырағы болады. Пияздың жоғарғы жағында кішкентай жасыл өскін болады, сол өскінді жоғары қаратамыз.

Пиязды топырағы бар ыдысқа тамырын төмен қаратып отырғызамыз. Пиязды отырғызған соң суқұйғышпен су құямыз.

Кез-келген өсімдіктің өсіп өнуіне қажетті топырақ, су, жарық керек. Пияз бақшада жүйектерде өседі.

Дидактикалық ойын: «Орнын тап!»

Мақсаты: ұсақ саусақ моторикаларын дамыту және түстерді ажырату.

Шарты: түрлі-түсті пиязшықтарды өз ұяшықтарына орналастыру қажет.

Қорытынды бөлім