Көктем гүлдері ашық оқу қызметі мектепке дейінгі балаларға

Тақырыбы: «Көктем гүлдері»

Мақсаты:Көктем мезгілі туралы білімдерін кеңейту.Көктем гүлдері туралы түсініктерін қалыптастыру.

Сөздерді дұрыс айта білуге,гүлдерді ажырата білуге үйрету.Қызығушылықтарын арттыру,құрастыру іскерліктерін дамыту.Есте сақтау қабілеттерін дамыту.

Ұйымшылдыққа,табиғаттың сұлулығын сезіне білуге,оны қорғай білуге,қамқорлық сезімдерге тәрбиелеу.Әдемілікке баулу.

Көрнекіліктер:Көктем мезгілінің суреттері,гүлдердің суреттері,гүлдер.

Әдіс-тәсіл: түсіндіру,көрсету,жұмбақ,тақпақ,ойын,жылулық шеңбері,сергіту сәті, жапсыру.

Ұйымдастырылған оқу іс-әрекеті:

Жылулық шеңбері.

Күлімдеп күн бүгін,

Қарады маған да.

Күлімдеп күн бүгін,

Қарады саған да,

Шуағын төгіп тұр,

Мейірімді Күн ана!

Тәрбиеші:Балалар,мына бір тақпақты тыңдап көрейікші.

Қар еріп,

Су көбейіп,

Сай-салаға толады.

Бөбектерім, айтыңдаршы,

Бұл қай кезде болады?

Балалар: көктем мезгілінде.

Тәрбиеші: Көктемде қандай өзгерістер болады?

Балалар:Қар ериді,күн жылынады,ағаштар бүршік жарады,жылы жақтан құстар ұшып келеді,шөптер өседі,гүлдер шығады. (Суреттерін тақтаға ілу)

Тәрбиеші: Дұрыс айтасындар,енді мен сендерге жұмбақ жасырам,шешуін кім табады?

Жұмбақ

Су құйсақ болды,кетеді қаулап,

Әдемі жұпар.Не?Көріңдерші ойлап.

Балалар:гүл

Тәрбиеші: Дұрыс айтасындар,бүгін біз балалар көктем гүлдерімен танысамыз.

Көктем гүлдерімен таныстыру.(бәйшешек,қызғалдақ,бақбақ)

Суреттермен жұмыс.

Балалар гүлдердің түрлері өте көп.Гүлдердің күлтесі,жапырағы,сабағы және тамырлар болады. (балалар бірге күлте,жапырақ,сабақ,тамыр деп қайталайды)

Көктемде ең бірінші бәйшешек шығады,бәйшешектің түсі ақ,көк,жапырағы жасыл.

Қызғалдақтың түсі қызыл,өте әдемі гүл.Бақбақ гүлінің түсі сары,күзде сары гүлі қурап,ақ түске айналады да,желмен ұшып кетеді.Гүлдер ауаны тазартады,гүлдерді жұлмау керек.

Сергіту сәті.

Шаршағанда ырғалып,

Гүлге құсап дем алам.

Қанатымды бір қағып,

Гүлдей болып құлпырам.

Ойын: «Гүл теру»

Ойынның шарты:Музыка әуенімен балалар гүл жинайды,кім көп гүл жинаса,сол жеңіске жетеді.

Тәрбиеші:Гүлдер туралы қандай тақпақ,жаңылпаш,мақал-мәтелдер білесіңдер?

Бәйшешектен білеміз,

Көктем келіп қалғанын.

Мәз боламыз күлеміз,

Көрсек гүлін жарғанын.

Мақал

Гүл өссе жердің көркі.

Үлбіреген бақбақ,

Үлпілдеген аппақ.

Үф! десем,бақбақ

Ұшасың ғой қаптап.

Мен қызғалдақ гүлімін,

Жапырағым жайылған.

Сұлулық бар бойымда,

Тамырым кең тараған.

Жаңылпаш

Бақбақ бақта бар,

Басқа да бақта бар.

Тәрбиеші: Балалар,мына гүлдердің бөліктерінен әдемі гүлдер құрастырайық.

Топтық жұмыс (Гүлдерді құрастыру)

Тәрбиеші: Балалар қандай гүлдерді құрастырдыңдар?

Балалар: бақбақ,қызғалдақ,бәйшешек.

Тілді жаттығу

Үл-үл-үл әдемі гүл,

У-у-у мөлдір су,

ұй-ұй-ұй гүлге су құй.

Ойын: «Не жоқ?»

Қорытындылау.

Тәрбиеші:Балалар,қанадай гүлдермен таныстық?

Балалар: Қызғалдақ,бәйшешек,бақбақ.