Плюс пен минус отбасы туралы математикалық ертегі

Кощанова Миригуль Ережеповна

Ақтау қаласы

Математикалық ертегі «Плюс- минус отбасы» (сыныптан тыс жұмыс)

Ерте, ерте, ертеде,

Ешкі жүні бөртеде,

Шексіздіктер елінде,

Плюс- минус өмір сүріпті.

Олардың 4 баласы болыпты.

Үлкені 5-тік,

Өзі пысық әр істе.

Егіздері 3 пен 4-тік,

Жүреді елден ерекше.

Ал кенжесі,

Әрі тентек- еріншек.

Құлақ аспайтын,

Жалқаулыққа бейімтек.

Плюс- минус балаларға үй шаруасын

Теңдей етіп бөліпті.

Әр күні 5- тік тамақты дәмді әзірлеп,

Сабағын жақсы оқыпты.

Алған білімі далада босқа қалмады.

Математикалық есеппен

Тамаққа тұзды тең шамада салады.

Оны бәрі сыныпта мақтан тұтады,

Шындықты ол әрқашанда жақтады.

3 пен 4-тік жүрген жері былықпай,

Жасаған істері де шалағай.

Кітап оқып, сабаққа көңіл аударса,

Енді біреуінің есі-дерті далада.

Физиканың заңы осы болар деп,

Бірде тебіліп, бірде тартылып тұрады.

Тепе-теңдік шартын сақтау ниетімен,

5-тік алдына мақсат етіп қояды.

Оны сезген 2-лік келіп қалады,

Бар мақсатын жермен- жексен қылады.

Күні бойы ұйықтайды,

Сабағын болса оқымайды.

Күшіне ғана сенген ол,

Әркімге қолын жұмсайды.

Күндер, айлар өтеді,

Шешуші сәтте жетеді.

3 пен 4-тік, 5-тіктер

2-лікті оқшаулап,

Алға озып кетеді.

5-тік тапқан мәселе,

Былайша болып келеді.

Түбір астында 3-тің квадраты мен 4-тің квадратының қосындысы,

түбір астында 5-тің квадратына тең болады.

Содан бері 2-лік ойланады, толғанады,

Жүре- жүре елден артта қалады.

Білекті бірді жығады, білімді мыңды жығады

Деп айтылған мақалды енді ғана ұғады.

Әй, бауырым, келе ғой біздің жанымызға,

Үйренерсің, үйретеміз бәріміз де жабыла.

Елден жырақ, жұртқа күлкі болғанша,

Формуланы жаттайық, болмаңызшы масқара!