Программаны тестілеу және өңдеу сабақ жоспары 7 сынып

Сабақтың тақырыбы

Программаны тестілеу және өңдеу. Шығармашылық-практикалық жұмыс

Уақыты:

Мұғалімнің аты – жөні: Саутпаева Гульвира

Сынып: 5

Қатысқан білім алушылар саны:

Қатыспағандар:

Сабақтың

мақсаты

Білім алушылардың бойынан жаңа технология, ақпараттық технология дағдысын дамыту

Бағалау критерийі

7.3.2.1 – алгоритмді программалау тілінде жазу

7.3.3.2 – сызықтық және тармақталу алгоритмдерін программаны өңдеудің кіріктірілген ортасында

Пәнаралық байланыс

математика

Құндылықтарды игерту

НЗМ құндылықтары:

Өзіне және айналадағы адамдарға құрмет;

Ынтымақтастық;

Жауапкершілік;

Отбасы мүшелеріне, құндылықтарға деген құрмет

Жоспар

Сабақ кезеңдері

Жоспарланған іс - әрекеттер

Ресурстар

Сабақтың басы

5 мин

Ұйымдастыру кезеңі.

Психологиялық ахуал қалыптастыру.

«Біз бәріміз бәргеміз» атты шаттық шеңберін құру

Сабақтың ортасы

30 минут

Жаңа сабақ.

Тестілеу (test ағылшын сөзі «сынау» деген мағына береді) дегеніміз – программаның немесе оның жеке бөліктерінің дұрыс жұмыс істейтіндігін сынау, тексеру.

Жөндеу және тестілеу бұлар бірінен бірі айқын ажыратылған және біріне-бірі ұқсамайтын екі кезең:

жөндеу кезінде программадағы синтаксистік қателіктер алып тасталады;

тестілеу процесі кезінде айқын қателіктері жоқ программаның жұмыс істеу қабілеттілігі тексеріледі.

Тестілеу қателіктің бар екендігін айқындайды, ал жөндеу программаның дұрыс жұмыс істемеу себептерін анықтайды.

Тест дегеніміз – алғашқы деректердің кейбір жиыны және осы деректерге сәйкес келетін программа жұмысы кезінде пайда болатын барлық нәтижелердің дәл сипаттамасы.

Программалауда кездесетін қателіктер

Компьютерде есеп шығарудың барлық кезеңдерінде, атап айтқанда, есептің қойылуынан бастап, дайын жобаға айналғанға дейін қателіктер жіберіледі.

Мысалы, есептің дұрыс қойылмауы, есепті шығару үшін құрылған алгоритмнің дұрыс болмауы, логикалық қателіктер кететін жағдайларды дұрыс есепке алмау, семантикалық және синтаксистік қателер, операцияларды орындау кезінде кететін қателіктер, деректерді беруде жіберілетін қателіктер, енгізу-шығару кезінде кететін қателіктер болады. Әдетте, синтаксистік қателіктер трансляциялау кезінде байқалады. Ал, алгоритмдік қателіктерді программалаушының түпкі ойын білмегендіктен, оны транслятор таба алмайды. Сондықтан, компьютердің синтаксистік қателіктер туралы хабарының болмауы программаның дұрыстығына кепілдік бере алмайды.

Транслятор таба алмайтын қателіктер

Программада пайдаланылатын операторлар дұрыс жазылғанымен, транслятор таба алмайтын көптеген қателіктер болады.

Осындай қателіктердің мысалдарын келтірейік.

Логикалық қателіктер:

шартты тексеруді дұрыс көрсеткенмен, оның алгоритмнің нақты тармағын орындауға өту жолын дұрыс көрсетпеу;

мүмкін болатын шарттарды толық есептемеу;

программада алгоритм блоктарын орындау үшін қажет болатын бір немесе бірнеше шамаларды қалдырып кету.

Циклдерде кездесетін қателіктер:

циклдің басын дұрыс көрсетпеу;

циклдің аяқталу шарттарын дұрыс көрсетпеу;

итерация санын дұрыс көрсетпеу;

шексіз цикл.

Енгізу-шығару қателіктері; деректермен жұмыс істеудегі қателіктер:

деректердің түрін дұрыс бермеу;

талап етілген аз немесе көп деректерді оқуды ұйымдастыру;

деректерді дұрыс нәтижеге шығармау.

Айнымалыларды пайдалануда кететін қателіктер:

айнымалыларды олардың бастапқы мәндерін көрсетпей, типін таныстырмай пайдалану;

бір айнымалыны басқа айнымалының орнына қате көрсету.

Массивтермен жұмыс істеуде кететін қателіктер:

алдын ала нөлге келтірілмеген массивтер;

дұрыс сипатталмаған массивтер;

индекстерінің берілу реттілігі қате массивтер.

Арифметикалық операцияларды орындауда кететін қателіктер:

айнымалының түрін дұрыс көрсетпеу (мысалы, нақты айнымалының орнына бүтін айнымалыны көрсету);

әрекеттер ретін дұрыс анықтамау;

нөлге бөлу;

теріс санның квадрат түбірін табу;

санның разрядтық мәнін жоғалту.

Осы қателіктердің бәрін программаны тестілеу барысында анықтауға болады.