Психикалық қасиеттер деңгейін өзіндік бағалау материалы

Психикалық жай-күйді өзіндік бағалау тесті

Күн сайын қоршаған ортаның стресстері мен тітіркендіргіштерінің әсерінен біз үнемі шиеленіс үстінде боламыз. Ал психикалық денсаулығыңызды сақтау үшін қазіргі күйіңізді білу маңызды. Осы мақсатта Ганс Айзенктің теориялық идеяларына негізделген «Психикалық күйлердің өзін-өзі бағалауы» деген осы әдістеме бар. Психикалық күйлердің өзін-өзі бағалау тестінің көмегімен бірінші жуықтау ретінде мазасыздану, фрустрация, агрессивтілік, ебедесейсіздік сияқты психикалық күйлердің деңгейлерін анықтауға болады.

Әдістеменің тарихы:

Психикалық күйлердің өзін-өзі бағалау әдісі Г.Айзенк (ХХ ғасырдың 60-80 жж.) жасаған тұлғалық сауалнамаларының бірі болып табылады. Г.Айзенктің сауалнамасы автордың тұлғаны зерттеуге жаңа типологиялық көзқарасты әзірлеуі негізінде жасалған. Бұл ретте К.Юнг, Р.Вудворт, И.П. Павлов, Е.Кречмер, басқа да атақты психологтар, психиатрлар, физиологтар және Г.Айзенктің өзінің ауқымды эксперименттік зерттеулерінің деректері қолданылды. Г.Айзенктің тұлғалық сауалнамалары жеткілікті жоғары валидтілік және сенімділік коэффициенттеріне ие және практикалық психодиагностикада кеңінен қолданылады.

Әдістеменің мақсаты:

Бұл тест арқылы сіз мазасыздық, фрустрация, агрессивтілік, ебедесйсіздік сияқты психикалық қасиеттердің деңгейлерін анықтай аласыз. Тест төрт блокқа топтастырылған 40 мәлімдемеден тұрады. Блоктардың әрқайсысы анықталған төрт психикалық күйдің біріне сәйкес келеді (мазасыздық, фрустрация, агрессивтілік, ебедейсіздік). Бұл әдіс қазіргі психикалық жағдайды бағалау үшін жасөспірімдермен және ересек клиенттермен жұмыс істегенде әлеуметтік психологтарға пайдалы болады.

Тесттегі сұрақтар саны: 40

Әдістеме шкалалары:

Мазасыздану (болмашы себептермен жеткілікті күшті мазасыздықты бастан кешіру);

Фрустрация (қандай да бір қажеттілікті қанағаттандыра алмау салдарынан түңілу);

Агрессивтілік;

Ебедейсіздік (төмен ауыспалылық, қыңырлық).

Нұсқаулық:

Сізге түрлі психикалық көңіл-күйдің сипаттамаларын ұсынып отырмыз. Егер:

*ол ахуал басыңыздан жиі өткен болса -2 ұпай;

*нақ осы жай-күй анда-санда кездессе -1 ұпай;

*егер мүлдем кездеспесе - 0 ұпай қоясыз.

I

1) Өзіме сенімді екенімді сезінбеймін.

2) Болмашы нәрсе үшін жиі қызараңдаймын.

3) Ұйқым тынышсыз.

4) Тез мұңаямын.

5) Қиялдағы келеңсіздіктер үшін де уайымдаймын.

6) Мен қиындықтардан қорқамын.

7) Өзімнің кемшіліктерімді қазбалағанды ұнатамын.

8) Сені иландыру оңай.

9) Мен күмәншілмін.

10) Мен тосқанды ұнатпаймын.

II

11) Туындаған ахуалдардан шығу жолы болса да, мен үшін олар шешілмейтін тәрізді көрінеді.

12) Келеңсіздіктердің мені уайымға салатындығы сонша, мүлдем рухым басылып қалады.

13) Үлкен келеңсіздіктерге ұшырағанда, еш себепсіз өзімді кінәлауға дайынмын.

14) Бақытсыздықтар мен сәтсіздіктер маған сабақ болған емес.