Психология және біз тақырыбындағы психологиялық семинар

«Қ. Мұқашев атындағы негізгі орта мектебі , мектепке дейінгі шағын орталығымен» коммуналдық мемлекеттік мекемесі

Тақырыбы : «Психология және біз»

Орындаған :

Г.М.Оспанова

2019 жыл

«Психология және біз»

Барысы:

Кешті психолог ашады .

Құрметті ұстаздар , ата-аналар , оқушылар . Бүгінгі кештің негізгі

мақсаты – психологияның маңызын ашу және біз үшін қандай қажеті , «біз» - бен қандай байланысы бар екендігін анықтау болғандықтан , сұрақ –жауап және эксперимент кезеңдерінен құралған . Ал , қарастырылатын сұрақтар , тапсырмалар осыдан бір ай бұрын іске қосылған «Сенім» жәшігі арқылы жинақталған . Сұрақтарға жауап берілген . Одан мынадай нәтиже шығаруға болады :

Өзің жайлы терең мағлұмат алу ;

Өзіңнің мүмкіншіліктеріңнің деңгейін анықтау ;

Қабілетін , бағдарын тану ;

Өзіңді және өзгені дұрыс тани білу ;

Өзіңді-өзің дұрыс бағалау ;

Жеке бас ерекшеліктерін білу ;

Қызықты танымдық мағлұматтар алу ;

Өзін-өзі зерттеу , түзету және психодиагностикалық қорытынды алу .

Мұндағы мақсат сұрақ-жауап бойынша берілген мағлұматты оқушылардың қаншалықты деңгейде меңгергендігін анықтай отырып , өзге де қатысушыларға мәлімет беру болып табылады .

Жүргізуші топпен таныстырады . Ол екі топ : а) «Психология» тобы ; ә) «Бақылаушы-бағалаушы» топ (рөльдерді оқушылар атқарады ) .

Ғылыми ізденуші , психолог – мұғалім .

Психология ғылымының докторы , профессор .

Психология және педагогика ғылымының кандидаты .

Қазақстан Республикасы психологтер ассоциациясының мүшесі .

Психология тобының эксперттері .

«Психология» тобы өзерін таныстырады .

Сұрақ-жауап кезеңі эксперимент кезеңімен кезектесіп отырады , эксперименттерді психолог-мұғалім жүргізеді .

Сұрақ-жауап кезеңі төмендегі бөлімдерден тұрады .

«Психология» топ мүшелерінің өзара сұрақ – жауабы .

Психология тобынан бақылаушы топқа сұрақ .

Эксперттерге психология тобынан сұрақ .

Бақылаушы топтан «Психология» тобына сұрақ .

Қарастырылатын сұрақтардан мазмұны мынадай .

Психология дегеніміз не ?

Психология ғылымы нені зерттейді ?

«Психология» сөзі қайдан шыққан ?

Психология ғылымы бізге нені үйретеді ?

Психологияның қандай түрлері бар ?

«Сенім» деген не ?

Ниет дегеніміз не ?

Қабілет дегеніміз не ?

Қажеттілік дегеніміз не ?

«Псих» дегеніміз не №

Темперамент дегеніміз не ? оның типтерін ата .

Мінез дегеніміз не ?

Психологтің қазіргі таңдағы қажеттілігі қандай ?

Психологияның біз үшін маңызы неде ?

Жеке адам дегеніміз кім ?

Жүргізілетін эксперименттер мазмұны төмендегідей .

№1 эксперимент . «Вербальды емес қарым-қатынас» .

Шарты : ортаға «психология» тобынан екі оқушы шақырылады . Олар дыбыстарын шығармай қимыл-қозғалыс , мимика , ауыздарын қимылдату арқылы бір нәрсе жайлы әңгімелесулері керек . Ал қатысушылар екі сыналушының қимыл-қозғалысына қарап не жайлы әңгімелесіп жатқанын және екі сыналушының бұл экспериментте қандай рөл атқаратынын табулары қажет .

№2 эксперимент . «Сұрақтар арқылы байланысқа түсу»

Шарты : Ортаға екі топты шақырып өздерінің таңдаған текшелеріндегі тапсырманы орындау . Ол текшелерде әр түрлі мамандық жазылған (бір-біреуден) . Ол мамандықты қатысушы өзі ғана білетін болады .Жүргізуші бәріне ортақ бес сұрақ қояды .Әр сұраққа әрқайсысы текшедегі өз мамандығына сәйкес жауап береді . Басқа қатысушылар қай мамандық иесі екенін табады .

Мамандық түрлері : декан ,үй иесі ,бомж , орыс тілі пәнінің мұғалімі , сатушы , дәрігер , адвокат , күзетші , режиссер , бағбан .

Сұрақтар :

Сіз үшін ең қуанышты сәт не ?

Егер сіздің көп ақшаңыз болса сіз оны неге жұмсар едіңіз ?

Алдымызда «Науырыз» мерекесі келе жатыр , сіз оны қалай қарсы алар едіңіз?

Өмірдегі арманыңыз ?

Бақыт дегенді қалай түсінесіз ?

№3 эксперимент . «Естің ұзақтығын анықтау» .

Сынақ алушы сыналушылардың доғаланып тұруларын сұрайды . Сыналушыларды эксперимент жағдайына дайындап нұсқау береді :

1-сыналушы бір сөз айтуы қажет , келесі 2-сыналушы 1-сыналушының сөзін қайталап өз сөзін қосады . 3-сыналушы олардың сөздерін қайталап , оған өз сөзін қосады . Сөздердің мағынасы жағынан бір-бірімен байланысты болуы міндетті емес .

Сөздерді ұмытып қалған , тоқтап қалған , сөздер ретін бұзған сыналушылар біртіндеп эксперименттен шығып отырады . Эксперимент біреуі қалғанша жалғасады .

№4 эксперимент . «Рұқсат етілмеген қозғалыстар» .

Сынақ алушы және 5 сыналушы (6,7,т.с.с) қатысады . Сынақ алушы сыналушылардың ыңғайланып тұруын сұрайды . Олардың ойларының эксперимент жағдайына бағдарлануына ықпал жасайды .

Нұсқау берілгеннен кейін сынақ алушы сыналушыларға қимыл-қозғалыстарды көрсете бастайды . Нұсқауды бұзған сыналушылар біртіндеп шығып отырады . Эксперимент бір сыналушы қалғанға дейін жалғасады .

Сұрақ –жауап пен эксперимент кезеңі аяқталғаннан кейін эксперттер «психология» тобына педагогикалық жағдаят ұсынады . Бұл педагогикалық жағдаятты әркім өзінше шешеді . Шешу барысында дау туындауы мүмкін , онда бақылаушы-бағалаушы топ мүшелері шешімді дәлелдетеді , талдайды . Қатысушы ұстаздар дәлелденген шешімге талдау жасап , бағалайды .

«Күтпеген сый» сәті .

Бұл кезең көрермендерге арналған . Бұл кезеңде қатысушылардың біреуі күтпеген сыйлық иесі атанады . Яғни , қатысушылар отырған орындықтың біреуіне жасырын сыйлық жабыстырып қояды . Сол орындықта отырған адам сыйлық иесі болып табылады .

Кешті қорытындылау «Сенім» жәшігі арқылы іске асырылады .Кешке қатысушылардың барлығына карточкалар таратылады . Ол карточканың мазмұны төмендегідей :

бұл кеш мен үшін өте қызықты , өмірде пайдасы мол деп есептеймін ;

кеш өте тартымды өтті , мейірімділік,қайырымдылық жайлы көп мағлұмат алдым ;

кеш мен үшін өте қызықсыз , өмірде пайдасы бар деп есептемеймін ;

уақытымды босқа өткіздім , ешқандай мағлұмат алмадым ;

кештің маңызы зор , жиі-жиі өтіп тұрса екен .

Жоғарыдағы сұрақ-жауапқа ұтымды жауап бергендер мен іскерлік таныта білгендерге алғыс ретінде психологиялық кештен естелік кітапша беріледі .

«Сенім» жәшігіне салынған кештің нәтижесін анықтау мақсатында құрылған карточкалардан мәліметтер алынды . Кешке қатысушыларға алғыс жарияланды .

Психология дегеніміз не ?

Психология – адамның жан жүйесін зерттейтін сан-салалы ғылым . Адам тану жайындағы ғылымдар арасында жетекші пән . Психология атауы (псюхэ – жан , логия –ілім ) деген грекше сөздерден құралған .

Психология ғылымы нені зерттейді ?

Психология жан жүйесінің қыры мен сырын зерттейді .

«Психология» сөзі қайдан шыққан ?

Психология атауы (псюхэ – жан , логия –ілім ) деген грекше сөздерден құралған халықаралық таңбасы (псю) мағынасы жан дегенді білдіреді . Дүниеге келген жері Греция .

Психология ғылымы бізге нені үйретеді ?