Қадыр Жұмағалиевтің Мен соғысты жек көрем ашық сабағы

Мәртөк ауданы, Сарыжар ауылы

"Сарыжар ЖОББМ" КММ-нің

бастауыш класс мұғалімі

Бижанова Күлшат Кеншиликовна

Сабақтың тақырыбы: Қ. Жұмағалиев «Мен соғысты жек көрем!»

Сабақтың мақсаты: Өлең мазмұны мен, идеясымен таныстыру. Қайрат Жұмағалиев өмірі, шығармашылығы туралы мағлұмат беру. Шығармашылық қиялын, жүйелі ойлау қабілетін, сөздік қорын молайту. Отаншылдыққа, патриоттық тәрбие беру.

Сабақтың барысы:

І. Ұйымдастыру:

Психологиялық дайындық.

Әрқашан күн сөнбесін,

Аспанда бұлт төнбесін.

Қасымда болсын анам,

Болайын мен де аман!

Оқушыларды топқа бөлу (4-топ)

І топ- «Бейбітшілік», 2 топ- «Жеңіс», 3 топ - «Достық», 4 топ – «Бірлік».

ІІ. Үй жұмысын тексеру.

ІІІ. Жаңа сабақ.

1)Топтарға тапсырма:

1 топ-достық, татулық, бірлік жайлы мақалдар. (Енді соғыс болмасын)

2 топ- «Сөздер жасырынып қалды» МАЕРН СИОПҒНЫУСАТЛЫ ЖУЕРК КБӨЕРДЕЖМ (Мен соғысты жек көрем)

3 топ- соғыс түрлері (Дүниежүзілік, Азаматтық, Ұлт – Азаттық)

4 топ- қару-жарақ түрлері (Салыстырмалы түрде)

2) Сабақтың тақырыбын, мақсатын хабарлау.

3) Ой тастау (Жаңа тақырыпты өтуге дайындық.

Автор туралы қысқаша мағлұмат).

- Біздің Отанымыз қалай аталады?

- Еліміз қандай үлкен мерекені тойлағалы отыр?

- Қазақстанда осы 20 жылдың ішінде қандай өзгерістер, жаңалықтар, айтулы мерекелер өткенін білесіңдер?

(Оқушылардың жауаптары тыңдалады).

- Балалар өздерің жауаптарыңда айтқандай Қазақстан – ұлан байтақ жер. Ол ата-бабаларымыздың найзаның ұшымен, білектің күшімен сақтап, бізге жеткізген аманаты. Біз бейбіт елде жасаймыз.

Осы бейбітшілік сөзінің антонимін білесіңдер ме?

- Соғыс!

- Соғыс деген сөзді естігенде біз өздеріңкинолардан көріп жүргендей атылған оқтардан, жарылыстардан, қираған қаруларды, қырылған адамдарды аш жалаңаш қиналған адамдарды елестетеміз.

Бүгінгі сабағымыз ақын Қайрат Жұмағалиевтың «Мен соғысты жек көрем» өлеңіне арналады.

Қайрат Жұмағалиев (16.9.1937 жылы туған, Батыс Қазақстан облысы Орда ауданын Бесқұдықа.) - ақын. Қазақстан Жазушылар одағының мүшесі.

1993 — 1996 жылдары Қазақстан республикасы Парламенті Сенатының аударма-редакциялық бөлімінде сектор меңгерушісі, кеңесші болған. Қазір «Сарыарқа» журналында редактор.

3) Ой толғау - өлеңді таспадан тыңдату.

Мен соғысты жек көрем!

Қайрат Жұмағалиев.

Мен соғысты

Жек көрем!

Көкем айтып отырса,

Кім қасірет шекпеген.

Кім көз жасын төкпеген!

Талай өткен ғасырлар

Еш соғыссыз өтпеген.

Мен соғысты жек көрем!

Күні ертең-ақ ер жетем!

Қиялымды өрлетем!

Туған жерді

Әлпештеп

Кірпік ілмей

Тербетем!

Жету үшін мұратқа

Сапар шегем жыраққа!

Ғұмыр бойы соғысам

Асу бермес белдермен!

Асау өзен-көлдермен!

Құлазыған шөлдермен!

Мен соғысты жек көрем!

Адамзатты жеткізем,

Арманына жетпеген!

4) Ой шақыру.

- Балалар кітаптан өлеңнің І шумағын өздерің оқыңдар да, қай сөз түсініксіз болды, белгілеңдер. Шумақтың мағынасын ашайық.

Мен соғысты

Жек көрем!

Көкем айтып отырса,

Кім қасірет шекпеген.

Кім көз жасын төкпеген!

Талай өткен ғасырлар

Еш соғыссыз өтпеген.

Сөздік жұмыс: