Қайдан келдің, бауырсақ тақырыбындағы сабақ жоспары

Оқу іс –әрекетін ұйымдастырудың технологиялық картасы.

МАД

Тәрбиеші:

Уақыты:

Кабинет:

Тақырыбы

Қайдан келдің, бауырсақ?

Сабақтың мақсаты

Балалардың нан туралы білімдерін толықтыру. Үлкендердің еңбегін ардақтап, бағалай білуге тәрбиелеу. Ұннан ұлттық (бауырсақ, шелпек) тағамдарын әзірлеуді үйрету. Оқтаумен жұмыс істеуді жалғастыру. Балалардың ойлау, ұқыптылық, қызығушылық қабілеттерін арттыру.

Көрнекіліктер

Үлестірмелі суреттер, плакат т.б

Іс-әрекет кезендері

Тәрбиеші әрекеті

Балалардың іс — әрекеті

Психологиялық ахуалды қалыптастыру

Жұмбақтар жасыру:

Бек тұрған белін буып,

Тек тұрған (Бидай)

Үсті тас, асты тас,

Ортасында піскен ас (тапа нан)

Ақ отаудың есігі де жоқ,

Тесігі де жоқ (жұмыртқа)

Балалар алдағы өтетін сабаққа дайындық жасайды.

Ұйымдастыру іздестіру

Жаңа сабақ

Ұйымдастыру кезеңі. Балалар шаттық шеңберіне тұрады. Бір-біріне жылы лебіздерін білдіреді. Педагог жұмбақ жасырады:

Ұзын мұртты сарылар,

Қойынында дәні бар. (Бидай)

- Бидайдан не жасалады?

- Бидайдан ұн жасайды, ұннан түрлі тағам, нан, бәліш, бауырсақ пісіреді.

Дәптермен жұмыс:

Педагог Ө. Тұрманжановтың «Қайдан келдің, бауырсақ?» өлеңімен таныстырады.

- Өлеңде не туралы айтылды?

- Бауырсақ қайда жатты?

- Қуыршақ не деп сұрады?

- Бауырсақ наубайға қайдан келді?

- Диірменге ше?

- Диқан бидайды қалай өсірді?

Балалардың жауабы. (Рөлге бөлініп ойнайды).

Балалар барлық қимылдарды тәрбиешіге қарап, қайталайды. Берілген тапсырмаларды орындайды.

Сергіту сәті

«Күн мен түн».

Мақсаты: сөйлеу тілін дамыту, қажет ұғымды іздеуде зейінді ұмтылдыра білу.

Мазмұны: педагог сөз айтады, балалар оған мағынасы қарама-қармсы сөз айтады: «Күн-түн, тәтті – ащы және т.б.».

Оқушылар ойын ойнайды

Рефлексивті — түзетушілік

Балалар бауырсақтың дастарқанға келу жолын қимыл арқылы көрсетеді.

Жерді жыртамыз, егінді себеміз,

Суарамыз, күтіп баптаймыз.

Бидай үлкен болып өседі,

Комбайнмен орамыз,

Машинамен қамбаға тасимыз,

Диірменде ұн етіп дайындайды.

Ұннан қамыр илеп, бауырсақ пісіреміз.

Дидактикалық ойын: «Не жасырынғанын тап.»

Ойын шарты: балаларға ұннан пісірілген нан түрлерін көрсету.

Балалар көздерін жұмады, бір суретті педагог алып қояды. Балалар қай сурет жоқ екенін табуы керек.

Нан - адамның тіршілік қорегі, дастарқанға үлкен еңбекпен келеді.