Қайнар академиясы туралы ақпараттық мақала

Тұрсын А.Е. *1, Мухамедиева Г.М. *2

1Қайнар Академиясы, «Есеп және аудит» мамандығының 1 курс студенті, Қазақстан, Алматы

2Қайнар Академиясы, «Бизнес және басқару» академиялық мектебі меңгерушісі, PhD, Қазақстан, Алматы

«ҚАЙНАР АКАДЕМИЯСЫ» - ЖАРҚЫН БОЛАШАҚ КЕПІЛІ

«Қайнар академиясы» - 30 жылдан астам тарихы бар білім ордасы болып табылады. Ең алғаш рет негізі 1991 жылы қаланған бұл оқу орнынан көптеген дарынды түлектер түлеп ұшқан болатын. Қазіргі күннің өзінде де сол дарынды жастардың қатары көбеюде. Осындай тарихы терең, еліміздің ең үздік, білімі сапалы оқу ордасының студенті ретінде сіздерге өз универститетім жайлы айту үшін қаламымнан сыр шерттім.

Жалпы студенттік өмір адамзат баласының ең жарқын, ұмытылмас нағыз жалындаған, құштарлықпен еске алатын өмірінің ең керемет кездерінің бірі деп айта аламын.

Студенттік өмір - бұл тек оқу ғана емес, сонымен қатар достармен бірге өткізілген қуанышты күндер, ән-би кештері, спорттық және түрлі мәдени іс шаралар - барлығы да студенттік өмірдің бір нышаны.

Мен де балалықпен қоштасып, өмірімнің дәл осы бір маңызды әрі жауапты кезеңіне аяқ бастым. Қазіргі таңда мен «Қайнар академиясының» 1-курс студентімін. Осы универститет табалдырығын алғаш аттаған сәттен бастап, көптеген жаңа достар таптым және өзімнің көптеген жаңа қырларымды аша білдім десем де болады. «Қайнар академиясы» ең басты көшбасшы университет десек те болады. Дәл осындай керемет білім ордасының студенті болғаным үшін мен өте бақыттымын әрі мақтан тұтамын, тіпті университетім екінші отбасымдай болып кетті.

Қайнар академиясының негізгі миссиясы - бүгінгі сапалы білім, ертеңгі болашақ !

Қайнар академиясының пайымы: өзін әлеуметтік-гуманитарлық бағыттағы бәсекге қабілетті жоғары оқу орындарының бірі ретінде, әсіресе, болашақ психолог мамандарды сапалы және кәсіби дайындау, күрделі заңнамалық процесте бағдар ала алатын, сондай-ақ дауларды бейбіт жолмен шеше алатың болашақ заңгерлерді, экономика саласы бойынша қаржы және т.б мамандарды, және қазіргі таңда сұранысқа ие ақпаратттық технология саласы бойынша болашақ мамандарды дайындау болып табылады.

Университетімде көптеген білімді әрі тәжірибелі оқытушы-профессорлық ұжым қызмет етеді. Қиын кезде көмек беріп, жаныңнан табылатын адамдар десем де артық емес, себебі осы универститетке оқуға түскелі көзім нақты жетті. Осындай білікті әрі кәсіби мамандардан дәріс алған қазіргі жас өркендер болашақта өз істерінің нағыз мықты маманы болып шығатыны сөзсіз.