Қайталама қос сөздер сабақ жоспары 4 сынып

Өтетін күні: Пәні: Қазақ тілі

Сабақтың тақырыбы: Қайталама қос сөздер.

Сабақтың мақсаты:Қос сөздердің жасалу жолының түрлерімен таныстыру; бір түбірдің қайталануынан жасалатын сөздерді ажырата білу; Қос сөздердің тұлғалық ерекшелігі мен жасалу жолындағы айырмашылығын таныту. Қос сөздерді қатыстырып, сөйлемдер құрастыра алу дағдыларын дамыту. Эстетикалық тәрбие беру.

Күтілетін нәтиже

топтық жұмыс арқылы оқушылар өзіндік ізденіске бағыттап, шығармашылықпен жұмыс істеу дағдылары артады;

жаттығу жұмыстарын талдау арқылы еркін ойлау, өз көзқарасын жеткізу, дәлелдей білу, өзгені тыңдау, тұжырым жасай білу қабілеттері жетіледі;

әр оқушы өз-өзіне баға береді, өзіндік пайымын жасайды, тәрбиелік, тағылымдық мәнін ұғынады.

Сабақтың барысы.

Ұйымдастыру бөлімі.

Оқушылармен амандасу, түгелдеу, сабаққа қатысуын қадағалау.Топқа бөлінеді, топ ережелерін бекітеді.

Көркем жазу 3 мин.

Ауызша сұрау

Топта біріге отырып, талқылау.

Талқылау барысында топта бір-бірін тыңдау, ортақ шешімге келу.

1-тапсырма

Қос сөз дегеніміз не? Мысал, қос сөздерді жай сөздерге айналдырыңдар.

2-тапсырма

Қос сөздердің біріккен сөздерден қандай айырмашылығы бар?

Мысал, қос сөздер, біріккен сөздер.

3-тапсырма

Қос сөздердің тілімізді байытуда қандай маңызы бар? Мысал, жеке сөздерден қос сөздер жасаңдар.

Жаңа сабақ.

Қайталама қос сөздің тұлғалық ерекшелігі мен жасалу жолындағы айырмашылығын таныту. Қос сөздердің тілімізде жаңа сөз жасаудағы басты тәсіл екендігіне оқушылардың көзін жеткізу.

1-жаттығу.Өлеңді оқып, көшіріп жазады.

Бір сөздің қайталануы арқылы екенін оқушы байқайды. Өздері ереже қорытындылайды.

Сылдыр - сылдыр, сыбдыр-сыбдыр, күрт-күрт, сырт-сырт.

Бұл қос сөздер қалай жасалынған?

Мысалдар келтіріңдер. Жеке сөздермен салыстырыңдар.

Оқулықпен жұмыс.

2-жаттығу. Ауызша орындайды.

Сөз тіркестері мен қос сөздердің мағынасын салыстырады. Өзгеру себебі неде?

3-жаттығу. Сөйлемдерді оқып, қайталама қос сөздердің астын сыз.

1 топ. Мағынасын түсіндір, жасалу жолына назар аудар

2 топ. Қос сөздер қандай сөздердің қайталануынан жасалынып тұр?

3 топ. Қос сөздердің біріккен сөздерден қандай айырмашылығы бар?

4-жаттығу. Өлеңді көшіріп жаз. Қос сөздердің астын сыз. Қос сөздер қалай жасалған?

1- топ. Сурет бойынша қос сөздерді пайдаланып қыс көрінісін суретте.

2- топ. Сурет бойынша қос сөздерді пайдаланып өлең құрастыр.