Қос сөздер тақырыбындағы сабақ жоспары 4 сыныпқа

Қазақ тілі

Сабақтың тақырыбы: Қос сөздер34-40 жаттығулар

Сабақтың мақсаты:

Білімділік Оқушыларға қос сөздерді таныту. Қос сөздердің жасалу жолдары мен бір–бірінен айырмашылығын меңгерту. Сөздердің лексикалық мағынасын байқату.

Дамытушылық: Оқушылардың ойлау қабілетін, сөздік қорын дамыту, сөйлеу, әңгімелеу дағдысын жетілдіре отырып, мәнерлеп сөйлеуге, әдемі жазуға, өз бетінше жұмыс орындауға дағдыландыру.

Тәрбиелік: Ұжымда өзін-өзі ізгілікке тәрбиелеуге дағдыландыру.Зеректікке, ұқыптылыққа, адалдыққа баулу. Көркем жазу арқылы әсемдікке тәрбиелеу.

Сабақтың түрі: Аралас сабақ

Сабақтың типі: Оқушыларға жаңа білім беру сабағы.

Әдіс-тәсілдері: Түсіндіру, сұрақ-жауап, көрнекілік көрсету арқылы түсіндіру,

жарыс, ойын.

Көрнекілік: Сөйлем, суреттер, қимақағазар

Сабақтың барысы:

Ұйымдастыру кезеңі: а) Сәлемдесу , оқушыларды түгендеу,психологиялық дайындық.

ә) Сабаққа әзірлігін тексеру, оқу құралдарын дайындау.

Үй тапсырмасымен жұмыс:. Ереже жаттау

Сергіту сәті: қолдың ұсақ моторикасына арналған дамыту жаттығулары

Білімді жан-жақты тексеру кезеңі.

СӨЗ

Күрделі сөздер Біріккен сөз

Қос сөздер

Кейбір сөздер екі сөздің қосарлануы арқылы жасалады. Оларды қос сөздер дейміз. Жазуда қос сөздің арасына дефис (−) қойылады: қора−қора, бүгін−ертең, әке−шеше, үлкен−кіші, алыс−жақын.

Жаңа сабақ.

Оқушыларды сабақтың тақырыбы мен мақсатын таныстыру.

Дәптермен жұмыс. Көркем жазу сәті

(Қаламсапты дұрыс ұстау мен дұрыс отыру ескертіледі).

Сөйлемдерді оқып, қос сөздерді тап. .

Олардың қалай жасалғанын түсіндір.

Әдептілік, ар−ұят − адамдықтың белгісі. Ақтылы−көктілі көбелектер қалт−құлт етіп, екеу−үшеуден жарысып ойнайды.

Кейбір қос сөздер екі түрлі сөздің қосарлануы арқылы жасалады.: ар−ұят, екеу−үшеу, жоғары−төмен, қалт−құлт.

35-жаттығу.

Қос сөздердің арасына дефис қойып теріп жаз.

Сөздің алдынан күшейткіш буын қосу арқылы да қос сөздер жасалады: қып−қызыл, тап−тар, түп−түзу, т.б.

38−жаттығу. Төмендегі сөздердің тиістісін көп нүктенің орнына жаз.

Сөзер: ата−баба, кезек−кезек, тау−тас, күте−күте, быт−шыт, тап−таза, қырқа−қырқа, іркес−тіркес, тып−тыныш, салдыр−гүлдір, машина−машина, үп−үлкен.

Үлгі:

Бір сөздің қайталануынан жасалған қос сөздер: ..., ...

Екі сөздің қосарлануынан жасалған қос сөздер: ..., ...

Күшейткіш буын арқылы жасалған қос сөздер: ..., ...

Қос сөздер

Екі түрлі сөздің қосарлануынан жасалады

Бір сөздің қайталнуынан жасалады

Күшейткіш буын арқылы жасалады

Сергіту жаттығуларын орындау.

Күннің шыққаны жақсы ма?

Ананың құшағында болған жақсы ма?