Қайталау білім мен ақылды шыңдайды, балабақшаға ашық сабақ

Білім беру саласы: Таным

Оқу қызметті: Математика негіздері

Тақырыбы: «Қайталау білім мен ақылды шыңдайды»

Мақсаты: Балалардың білім, білік дағдыларын қорытындылау, меңгерген білімдерінің деңгейін бақылау; балалардың зейіні мен логикалық ойлау қабілетін дамыту; көшеде қауіпсіздік ережелерін үнемі сақтап жүруге тәрбиелеу; ұқыпты, мәдениетті болып өсуге баулу.

Әдіс-тәсілі: Саяхаттау,сұрақ-жауап

Көрнекіліктер: Бағдаршам,геометриялық бұрыштар,сандар

Сөздік минимум: Бағдаршам,көлік,сан

Шаттық шеңбері

Күннің көзі ашылып,

Көкке шуақ шашылсын.

Құтты қонақ келіпті,

Төрімізге еніпті.

Амандасу үлкенге

Тәрбиенің басы ғой.

Ал кәнекей бәріміз

Сәлем дейік үлкенге.

Балалар өлең шумағын қайталап, қонақтармен сәлемдеседі.

-Бүгін біз қайталау арқылы математика әлеміне саяхатқа шығамыз.

Ал біздің жол көмекшіміз не болады ?

-Бағдаршам.

-Иә, біздің жол көмекшіміз бағдаршам болады. Бағдаршамның қанша көзі бар?

-Үш көзі бар.

Түстері қандай?

-Қызыл, сары, жасыл.

- Жарайсыңдар, сонымен балалар қандай көлік түрімен саяхатқа шығамыз?

-Балалар қараңдаршы жеңіл автокөліктің бұрыштары көп екен. Қане бұрыштарды есімізге түсірейік. Қандай бұрыш түрлері бар еді?

-Жеңіл автокөлікте.

-Тік бұрыш, сүйір бұрыш, доғал бұрыш.

-Маған тік бұрышты көрсетіңдер? Ал енді тік бұрыштан кіші бұрышты көрсетіңдер? Ол қалай аталады? (сүйір бұрыш)

-Ал тікбұрыштан үлкен бұрышты көрсетіңдер? Ол қалай аталады?

(доғал бұрыш)

-Енді жолға шығамыз. Қараңдаршы жолда машина көп екен және нөмірленген. Бәрі нөмірленген бе?

-Жоқ.

-Иә, бәрі нөмірленбеген, кейбір машиналарда нөмір жоқ.

Балалар қараңдаршы жолда сандық сәуле сияқты.

-Айтыңдаршы сандық сәуледе сандар қалай тұру керек?

-Ретімен.

-Дұрыс айтасыңдар, сандар ретімен тұру керек. Қане 1-ден 10-ға дейін санайық.

-Балалар, енді мына машиналарға нөмірлерін табуға көмектесейік. Мұқият тыңдаймыз.

«Ауызша есеп» тапсырмасы ойыны

-Қандай сан 4 санының алдында тұрады?

-3 саны.

-Қандай сан 5 санынан кейін тұрады?

-6 саны.

-Қандай сан 1 мен 3 санының арасында тұрады?

-2 саны.

-Қандай сан 8 санының алдында тұрады?

-7 саны.

-Бұл сан 10 санының алдында тұрады?

-9 саны.

-Қандай сан 4 пен 6 санының арасында тұрады?

-5 саны.

Жарайсыңдар, міне біз жолға шықтық, ал бізге мына жол белгісі кездесті. Қалай ойлайсыңдар, бұл қандай белгі?

-Басқа қауіптер.