Қалдырған ізің мәңгілік мерекелік кеш сценарийі

«Қалдырған ізің-мәңгілік»

жүргізуші:

Күмбірлейді туған жердің бел, өрі,Күмбірлейді қайың, шырша, терегіБалбұлақ та қоңырау боп кеткендей,Бүгінгі күн – Ұстаз күні себебі.2- жүргізуші:

Желпіндіріп, желіктірген күш қандай?Балғында шат, шаттық нұрын құшқандай.Бүгінгі күн – Ұстаз күні содан баАлтын күн де күлімдейді ұстаздай.

1- жүргізуші:

Қош келіпсіздер, құрметті қонақтар!Бүгінгі мерекелік кешіміздің басты себепкерлері, ардақты ұстаздарымызды қошеметпен қарсы алайық!!!

Мұғалімдерді кіргізу (музыка ойнату)

2-жүр:

Армысыздар аяулы ұстаздар,қадірлі ата-аналар, оқушылар!

«Ұстаздар күні» мерекесі біздер, шәкірттер үшін ерекше күн. Мектеп табалдырығын аттаған сәттен бастап, он бір жыл бойы бізді білімнің кәусар бұлағынан сусындататын асыл жандар – аяулы ұстаздарымыз.

1- жүргізуші:

Қадірлі ұстаздар! Жаныңызға шуақ шашар сәулелі мерекелеріңізбен шын жүректен құттықтап, сіздерге зор денсаулық, ұзақ өмір, қажымас қайрат, еңбектеріңізге табыс, отбасыларыңызға береке мен шаттық тілейміз!

2-жүр:

Бүгінгі асыл ұстаздарымыздың құрметіне арналған «Қалдырған ізің-мәңгілік» атты мерекелік кешімізді бастауға рұқсат етіңіздер!

жүргізуші:

Мөлдір бұлақ сылдырлаған суымен,Ормандарың шулап жатыр нуыменАл баланың тәрбиесін беретін,Құттықтаймыз, ұстаздарды мерекелі күнімен..- дей отырып, жандары ізгілікке, жанары мейірімге толы ұстаздарымызды төл мерекелерімен шәкірттік шын жүректен құттықтаймыз!

2-жүр:

«Мектептің жүрегі», «Бала жанының бағбаны»… Иə, бұл мектеп мұғалімі — ұстазға арналған теңеулер. Мұндай мадақтауларды жалғастыра берсек, даналық сөздер тізбегі шексіздікке ұласады.Ендеше мерейлі мерекеде дендеріңізге саулық, отбасыларыңызға амандық, істеріңізге сəттілік тілейміз.

1-жүр:

Бүгінгі аяулы ұстаздарымызды төл мерекелерімен құттықтау үшін сөз кезегін мектебіміздің директоры Мустагулова Динара Жұмашқызына береміз

2-жүр:

Ұстаз сені әрбір адам бағалар,Сенен ұшқан білім алып ағалар.Сенен ұшқан дарынды да, дана да,Сен арқылы мына ғалам жаңарар

1-жүр:

Бүгінгі ұстаздарымыздың құрметіне арналған «Ұстазым» әнін Айғаным мен Самиданың орындауында қабыл алыңыздар!

Ұстаз деген ұлы сөз ұлағатты,

Ол болмаса, кім береді парасатты. Аида

Асылын беріп шәкірт бойларына,

Ағартқан сол үшін де қара шашты.

Ұстазға әркім басын ию керек,

Кемеңгер, ақылшым деп білу керек. Фараби

Сен бүгін керемет боп кетсең дағы,

Жеткізген сол ұстаз деп білу керек.

Жақсылар ұмытпайды ұстаздарын,

Ойлайды, олар сонымен ұшталғанын. Дастан

Мәңгілікке мақтанып өтеді ұстаз,

Шәкіртінің биікке шыққандарын.

Аянат: Мади, екеуміз ұстаздар туралы нақыл сөздер айтып жарысып көрсек қайтеді?

Мади:Ал ендеше баста

Аянат: «Ұстаз болу-өз уақытын аямау, өзгенің бақытын аялау»,

Мади: «Ұстазға қарап шәкірт өседі»

Аянат: «Аспаз көрген ат таныр, ұстаз көрген хат таныр»

Мади:«Ұстазыңды ұлы әкеңдей сыйла»

Аянат: «Ұстазы жақсының-ұстамы жақсы»

Мади: Аянат, екеуміз Ұстаз туралы қанша мақтау сөз айтсақ та тауыса алмаспыз. Ендеше, қымбатты ұстаздар, шәкірттеріңіз Мединаның орындауында "Оқуда озат боламын" әнін қабыл алыңыздар

2 «В» сынып оқушыларының өлең –тақпақтары

Мади:«Ұстаз» ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор.

Аянат: Ия, ұрпаққа айтар ақылы, көрсетер өнегесі бар, аналық, әкелік сезімнің, дана ойдың ыстық лебі бар аға ұрпақ өкілдері, мектептің жүрегі ардагер ұстаздарымыз ортамызда отыр. (қонақтарды таныстырады)

Мади: Құрметті қонақтар, сіздер салып кеткен сара жол-ұстаз жолы – ұлы жол. Өткен жолдарыңызға көз жіберіп, еске ала отырып, өздеріңізге бірнеше сұрақ қоюға рұқсат етіңіздер.

Аянат :1 қонаққа сұрақ: Ұстаздық өмірге қалай келдіңіз? Жүрек қалауымен бе, әлде осы мамандықты таңдауға себепші болған қандай оқиға ?

(Ардагер ұстазымыз Роза )

Мади: 2 қонаққа сұрақ: «Ұстаз болу жүректің батырлығы» дейді, осы ұстаздық қызметті таңдауда батырлықпен қандай қасиет адам бойынан табылу керек деп ойлайсыз?

Аянат:3 қонаққа сұрақ: Кешегі өзіңіз еңбек еткен мектебіңізден қандай өзгерістерді байқадыңыз? Мектебіңізге айтар тілегіңіз? (Зоя Жапаровнаға)

Милана: Ольга Степановна ---Как Вы выбрали свою прпофессию?

Фатима: Наталья Михайловна ---- Скучаете ли Вы по школе?

Еркесұлу: Ольга Степановна --- Вы нас любили?

А мы Вас сильно – сильно любили и скучаем.

Милана: Наталья Михайловна --- Как Вам больше по душе отдыхать или работать с детьми.

Мади:

Сіздерге көп рахмет, аяулы да мейірбан ұстаздар. Өздеріңізге арналған шағын сыйымызды қабыл алыңыздар.

Мади:

Ұрпақтан өмір жолы жалғанады,Көңілді күндер тусын алдан әліӘн-шашу, әсем әуен, түрлі өнер,Бүгінгі күн сіздерге арналадыӘн: «Ұстазыма»

Орындайтындар: Аян апай мен шәкірті Аянатты қабыл алыңыздар!

2 – жүргізуші:

Ұстаз... Ұстаздың мен үшін де, сен үшін де, бәріміз үшін де орны бөлек.Осынау өмірдегі жандардың бәрі де ұстаз алдынан түлеп ұшты.Ұстаз адамзат баласының бойына білім атты «шаһарды» қалайды.

1-жүргізуші:

Сондықтан, «Ұстазды атаңнан да әзіз тұт» деген мақалға жүгінген дұрыс.

Ұстаздың еңбегі - ізгіліктің інжуіндей қымбат еңбек.

2-жүргізуші:

«Қыран құс түлегіне қайыспас қанат сыйлайды, ұстаз шәкіртіне талмас талап сыйлайды» деген нақылдың өзі ұстаз – адам тағдырын шешуші тәлімгер дегенді білдіреді.

1 – жүргізуші:

Дарытқан білімі үшін ұстаз деген асыл жанға мың алғыс айтсақ та жетпейді.

Өйткені ұстаз еңбегі орасан зор еңбек.

2-жүргізуші:

Бәріміздің өмірімізге бағыт – бағдар берген, білім нәрімен сусындатқан, өмірге кірпіш етіп қалаған ұстаздай ардақты жанды ғұмыр бойы ардақтап өтуге тиіспіз.

Бұл біздің парызымыз.