Қалыптастырушы бағалау құралдары физика семинары

Оқытудың кейбір белсенді әдістері: «Әткеншек», «Бриллиант», «Әуе шары», «Өз ойыным», «Артығын тап»

қалыптастырушы бағалау құралдары

Тақырып

«Қалыптастырушы бағалау құралдары». Оқытудың кейбір белсенді әдістері: «Әткеншек», «Бриллиант», «Әуе шары», «Өз ойыным», «Артығын тап»

Жалпы мақсаттар

-дәріс тыңдаушыларын оқытудың кейбір белсенді әдістерінің маңыздылығымен таныстыру;

-тақырыпты зерттеуге қызығушылығын ояту;

-мұғалімдерді белсенді әдістерді пайдалану техникасымен таныстыру;

-әркім өз пәні бойынша тапсырмалар даярлауға үйрету

Күтілетін нәтиже

-оқытудың белсенді әдістерін пайдаланудың маңыздылығын түсінеді;

-оқытудың кейбір белсенді әдістерін пайдаланудың техникасымен танысады;

-жекеленген әдіс бойынша өз пәнімен байланыстырып тапсырмалар дайындай алады

Кілтті сөздер

-оқытудың белсенді әдістері, ЖАДА, «Көпіршелер тұрғызу», «Әткеншек», «Бриллиант», «Әуе шары», «Өз ойыным», «Артығын тап»

Уақыт

Мұғалімнің іс-әрекеті

Дәріс қатысушыларының әрекеті

Ресурстар

3 минут

Ұйымдастыру. Эмоционалды баптау. «Түстер» ойыны

Ойынға қатысады. «Зейініңмен тап» әдісі бойынша топтарға бөлінеді

-дәріс тыңдаушылары

5 минут

«Оқытудың белсенді әдістері» бейнеролигін көру. Ұжымдық талқылау

Бейне ақпаратты көреді. Негізгі элементтерді жазып отырады. Оқытудың белсенді әдістерін пайдаланудың тиімділігі туралы ой-пікірлерімен бөліседі

-дәріс тыңдаушылары;

-компьютер;

-интерактивті тақта;

-проектор;

-Windows

15 минут

Тренер ақпараты. «Оқытудың кейбір белсенді әдістері». Интерактивті тақтада көрсетеді. Жекеленген әдістерді пайдалану бойынша мысалдар келтіреді

«Әткеншек» әдісі. Әдісті пайдалану алгоритмі

1. Оқушылар кішігірім топтарға бөлінеді

2. Әр топқа тапсырма жазылған А4 (А3) форматты плакат (әр плакатта әр түрлі тапсырмалар жазылады) таратып беріледі.

3. Оқушылар белгіленген уақыт аралығында ұсынылған тапсырма бойынша топтық негізде жұмыс жүргізеді. Плакатқа жауап жазады.

4. Әр топқа әр түрлі түсті қалам (маркер) беріледі. Әр топтың жауаптары әр түрлі түспен жазылады.

5. Уақыт аяқталған соң оқушылар плакаттарымен алмасады, сәйкестігінше басқа тапсырма алады.

6. Оқушылар алдыңғы топқа берілген сұрақ және оның жауабымен танысады. Жауапты топпен талқылайды, егер жауаппен келіссе қандай да бір белгі түрінде таңбалайды (мысалы жалауша). Егер келіспесе, өздерінің жауаптарының нұсқасын жазады.

Келесі мазмұндағы сұрақтарды қоюға болады:

-Бүгін қандай жаңа нәрсе үйрендіңдер?

-Сендер үшін ең таңқаларлық, қызықты, пайдалы нәрсе не болды?

-Басқаша қалай орындар едіңдер?

Тренер тапсырмасы: «Әткеншек» әдісіне негіздеп тапсырма даярлау

Тыңдайды, негізгі элементтерді жазады.

Тапсырманы орындап болған соң ұжымдық негізде талқылауға болады. «Әткеншек» әдісі бағалаудың тиімді әдісі болып табылады.

«Әткеншек» барлық топ барлық плакаттармен танысқанға дейін жалғасатын болады.

Топпен жұмыс істейді. Әркім өз пәні бойынша тапсырмалар даярлайды. Талқылайды.

-дәріс тыңдаушылары;

-жұмыс дәптері;

-А3 форматты қағаз (тапсырмалар);

-маркерлер

15 минут

Тренер ақпараты. «Бриллиант» әдісі

Әдісті пайдалану алгоритмі

1. Оқушылар стикерлерге (карточкаларға) белгіленген мәселе төңірегінде 9 кілтті сөз (идея) құрастырып жазады.

2. А4 форматты қағазға құрастырылған идеяларды (стикерлерді) келесі тәртіппен желімдейді: ең жоғарғы қатарға маңыздылығы ең жоғары деген идея, екінші қатарға маңыздылығы одан төмендеу деген екі стикер, үшінші қатарға маңыздылығы одан да төмендеу үш стикер, төртінші қатарға екі және ең соңғы қатарға бір стикер жапсырады. Стикерлер бриллиант формасын түзеді.

Тренер тапсырмасы: «Бриллиант» әдісіне негіздеп тапсырма даярлау

Тыңдайды, негізгі элементтерді жазып отырады.

Оқушылар өзара талқылау арқылы ойларын дәлелдей білуі тиіс.