Жаңартылған білім мазмұнындағы қалыптастырушы бағалау мақаласы

«Жаңартылған білім мазмұны бойынша Критериалды бағалау жүйесіндегі қалыптастырушы бағалау мазмұны»

Қазіргі таңда білім саласының басты құзіреті ,жан-жақты дамыған тұлғаны қалыптастырып, дамыту болып табылады. Критериалды бағалау – нақты анықталған, ұжымдасып жасалған критерийлермен оқушылардың оқудағы жетістіктерін салыстыруға негізделген және оқушылар , ата- аналар мен педагогтар үшін түсінікті, білім мазмұнына және мақсатына сәйкес процес. Критериалды бағалау технологиясы оқушы бойындағы үрейленуді басады және мұғалімді «төрешілік» қызметінен босатып, оқушы бойында өзін-өзі бағалау , өз іс әрекетіне баға беру, жауапкершілік қабілетінің дамуына ықпал етеді. Критериалды бағалау жүйесі бұрынғы бағалауға қарағанда қалыптастырушы және жиынтық бағалаумен ерекшеленеді. Қалыптастырушы бағалау оқытуды, әдістерді және осы мүмкіндіктерді іске асыру түрлерін жақсарту мүмкіндіктерін анықтауға бағытталған болса, жиынтық бағалау мақсатты баға қою және сертификаттау немесе оқытудың алға жылжуын тіркеу үшін оқыту қорытындысын шығару қажет. Осы мақсатта мектебімізде «Критериалды бағалау жүйесіндегі қалыптастырушы бағалау мазмұны» атты семинарды оқу ісінің меңгерушісі - Майгүл Қабдоллақызы Танжанова өткізді. Семинар барысында тапсырмалар арқылы критерий және дискриптор құруды үйрендік. Қолданыст

Бағалаудың жаңа әдісінде оқушы бағаны қандай критерийлер бойынша алғанын, келесі сабақтарда қандай критерийлерге көңіл бөлу керектігін ұқтық. Осыған байланысты оқушылар арасында өзара түсіністік және ұжымдық қарым-қатынасты орнатып, оқушылардың сенімсіздіктерін жойып, мүмкіндіктерін арттыруға жол ашатын критериалды бағалау болып табылатынын білдік. Семинар барысында критериалды бағалаудың басты ерекшелігі айтылды:

алдын-ала ұсынылған бағалау шкаласы;

анық, айқындылығы;

бағаның әділдігі;

өзін бағалауға мүмкіндіктің берілуі.

Нәтижесінде мұғалімдер критериалды бағалау туралы ақпарат алды, күнделікті өздері бағалап жатқан бағалау түрлерімен салыстырды,топтық бағалау арқылы критерий жасауды және болашақта сабақта қолдануды үйренді. Қорыта айтқанда А.Байтұрсынов ағамыз былай деген екен: «Мектептің жаны мұғалім. Мұғалім қандай болса, мектеп сондай болмақшы...» демек, білім сапасын көтерудің негізгі тетігі - ұстаз. Сол себепті бағалаудың түрлерін тиімді пайдаланып, оқушыларды терең біліммен қаруландырып отырсақ, болашақта тәуелсіз еліміздің болашағы баянды болатынына сенімім мол.

Шарбақты ауданы, Есілбай жалпы орта білім беру мектебінің матемаитика пәнінің мұғалімі- Абылгазинова Айымгүл Сайлауқызы.