Қар кесектерін мүсіндеу бойынша ашық сабақ, балабақша

Білім беру саласы: Шығармашылық Ұйымдастырылған оқу қызметі: Мүсіндеу

Тақырыбы:Қар кесектері Мақсаты:Балаларға қыз мезгіліндегі қар туралы түсінік беру. Балаларды ермексазды шымшып үзіп алуға және домалақ мүсіндер жасауға жаттықтыру.Саусақтың ұсақ бұлшықеттерінің қимылын жетілдіру. Балаларға қар кесектерін қалай жасау керектігін үйрету. Балаларды еңбексүйгіштікке тәрбиелеу.

Көрнекіліктер:Ермексаз,үлестірмелі материалдар

Шаттық шеңбер

Қайырлы таң көк аспан!

Қайырлы таң Жер ана!

Қайырлы таң қонақтар!

Қайырлы таң достарым!

Жұмбақ

Қыста ғана болады,

Ұстасаң қолың тоңады. (қар)

Иллюстрациялық суреттерді көрсетіп,қысқы табиғаттың ерекшеліктерін айтқызады?

-Балалар суретте қай мезгіл бейнеленген?

-Қыс

-Қыста ауа-райы қандай болады?

-Суық, боран, аяз болады.

-Қыста не жауады?

-Қар

-Қардың түсі қандай болады?

-Ақ болады

-Қармен ойнағанды жақсы көресіздер ме?

-Иә

Сергіту сәті

Ақ көрпесін жапты да,

Аяз келеді асыға.

Айналаны үрледі,

Ақ бораны гуледі

Балалардың алдына үлестірмелі материалды таратып береміз. Бөлінген ермексаз бөлшектерін шымшып алу әдісімен кішкене бөлігін үзіп аламыз.

Енді,алақанымызға салып ырғақпен домалатамыз.

-Балалар,бәріміз қолымыздағы мүсінді көрсетейік. (Тәрбиеші өзі жасаған жұмысын қолына ұстап,балаларға көрсетеді.)

-Балалар жасаған мүсініміз қар кесектеріне ұқсай ма?

-Ұқсайды

Тәрбиеші балалардың жұмыстарын қарап шығады.

Тыныс алу жаттығулары

Бөтелкедегі қар кесектерін үрлеу

Қорытынды

-Балалар біз бүгін нені мүсіндедік?

-Қар кесегі

-Қар кесегінің пішіні қандай болады?

-Дөңгелек

-Қардың түсі қандай?

-Түсі ақ болады

Жұмыс жасау барысында балалардың іс-әрекетіне талдау жасап,мадақтайды. Жақсы жасалған жұмыстарды ерекше атап өтеді.

Күтілетін нәтиже: Біледі: Қардың қай мезгілде жауатынын біледі . Игереді:Қар кесектерінің түсін,пішінін игереді

Меңгереді: Қар кесектерінің ермексазбен қалай жасалу жолдарын меңгереді.