Қар бұршектерін құрастыруға арналған ашық сабақ

Қар бүршіктері

Ұйымдастырылған ашық оқу қызметінің технологиялық картасы

Білім беру саласы: «Таным»

Бөлімі: Құрастыру.

Мақсаты: балалардың саусақ қимыл-қозғалыстарын жетілдіру, қағазды умаждау арқылы қар бүршіктерін жасауға болатынын түсіндіру, табиғат құбылыстары жайында қарапайым түсініктер беру, сүйіспеншілікке тәрбиелеу.

Қажетті құрал-жабдықтар: үлгі суреттер, үлкен және кіші көлемдегі сулық қағаздар.

Әдіс-тәсілдер: түсіндіру,көрсету, әңгімелесу,сұрақ-жауаптар.

Оқу қызметінің кезеңдері

Тәрбиешінің іс-әрекеті

Балалардың іс-әрекеті

Мотивациялық-қозғаушылық

Шаттық шеңбері:Арайланып таң атты,Алтын сәуле таратты.Жарқырайды күніміз,Жарқырайды даламыз.Қайырлы таң, достарым!Қайырлы таң, қонақтар!

Шеңберде тұрып шаттық шеңберін жасайды.

Ұйымдастырушылық- ізденістік

-Балалар, қазір жылдың қай мезгілі?

-Қыс мезгілінде ауа-райы қандай болады?

- Қардың түсі қандай?

-Қыста қандай ойындар ойнаймыз?

-Балалар, мына суретке қараңдаршы, не көріп тұрсыңдар?

Балаларға үлгі суреттерін көрсетіп, қардың ақ, жеңіл, үлпілдек, жұмсақ, суық болатыны жайлы әңгімелеу. Қар бүршіктерін қағаздан қалай жасауға болатынын түсіндіру.Тәрбиеші үлгіні көрсетіп, балаларға бүгін қар бүршіктерін қағаздан қалай жасауға болатынын көрсетіп түсіндіреді. Сулық жұмсақ қағазды үзіп алып, алақан арасына салып умаждап, жұмсартып, оны домалақтайды, қағаз бетіне әр жерге қар жауған тәрізді етіп орналастырады. Балалардың іс-әрекетіне көмек көрсетіліп, оны қағаз бетіне қалай орналастыруға болатынын қадағалайды(жұмыс барысында әсем әуен ойнап тұрады)..

Балалардың қағазды умаждауда қол, саусақ қимыл-қозғалыстарын қадағалау, іс-әрекетіне басшылық жасау қажет.

-Балалар, қардан не жасауға болады?

-Аққала соғып көрдіңдер ме?

Ойын: «Аққала құрастыр!»

Мақсаты: Аққаланың дене бөліктерін көлеміне қарай ретімен құрастыруға үйрету.

Ойын шарты: Қиылған аққала бөлшектерін құрастыру.

Сергіту сәті.

Аула сырты, баққа да.

Тұрғызамыз аққала.

Аққаланы айналып,

Би билейміз шаттана.

Қыс мезгілі.

Қар жауады, суық балады, боран соғады, аяз болады.

-Ақ.

Қардан аққала соғамыз, сырғанақ жасаймыз, шана, шаңғы тебеміз.

Балалар суретке назар аударады, не бейнеленгендері туралы айтады.

Балалар қар бүршіктері туралы әңгімені мұқият тыңдайды.

Балалар бірнеше қағазды кезекпен алып, алақан арасына салып, умаждап, домалақтайды. Балалар жасаған қар бүршіктерін суреттегідей етіп қағаз бетіне орналастырады.

-Аққала.

-Иә.

Ойынға қызығушылық білдіреді.

Әуенмен қимыл- қозғалыстаркөрсетеді.

Рефлексиялық-түзетушілік

-Балалар, біз бүгін не жасадық?

-Сендерге ұнады ма?