Қарттарым асыл қазынам сыныптан тыс жұмысы, 1 сынып

Сынып сағатының тақырыбы: «Қарттарым – асыл қазынам»

Мақсаты: оқушыларға ұлттық қадір-қасиеттер, имандылық, үлкенді қадірлеу, үлкенге ізет, кішіге құрмет көрсету керектігін түсіндіру. Оқушыларға еңбекті сүюге, Отанымыздың білікті де білімді адал азаматы болуға тәрбиелеу.

Көрнекілігі: тақырып жазылған плакат, нақыл сөздер.

1- жүргізуші: Армысыздар, құрметті қонақтар,ақ жаулықты аналар мен асқар таудай әкелер!

«Қарттарым – асыл қазынам» атты бүгінгі мерекемізді ашуға рұқсат етіңіздер.

Құттықтау сөз кезегін Жамбыл орта мектебінің оқу ісінің меңгеруші:- Кенжегүл Көпейқызына береміз.

Мұғалі: -Қарттарым жүректерің неткен дархан,

Көтерген тұрмыс жүгін сенің арқаң.

Жолыңды жүріп өткен қарасам мен

Оқитын келешекте бір-бір дастан.

Таң атып күн де шыққан өздеріңмен,

Жалындап жұлдыз жанған көздеріңнен.

Тербедің көктем бағын самал болып

Өсиет жастарға айтқан сөздеріңмен,-

деп асыл қазына, арқа сүйер тірегіміз болып аман-есен жүре беріңіздер.

жүргізуші: Халқымыздың тәлім – тәрбиесі ананың ақ сүтімен, әже өнегесімен, аталар ақылымен берісіп, өзіндік қасиетімізді қалыптастыру көзделген.

Келесі кезекті 1 сынып оқушыларына береміз.

1-оқушы. Нұрсауле

Көп жасаған қария - Ақылы теңіз дария.

Көп өнеге сөзі бар, сөзі – соқпақ, сөзі – нәр.

Ата салты ардақты,әрбір сөзі салмақты.

Сол сөздерді ұқпасаң,тістерсің бір күн бармақты

2-оқушы. Жадыра.

Мейірі мол ананың, Жүрегі жылы қолы кең

Кең пейілді атаның , Жүзі жылы жолы кең

3-оқушы. Арлан

Атамыз біздің панамыз, атамыз біздің данамыз.

Атадан ақыл аламыз, атадай адам боламыз.

4- оқушы. Нұрасыл

Жақсы ісімді мақтан қылып, жамандықтан сақтандырып.

Жүрген алтын ақ әжемді, жүрсем деймін мақтандырып.

5-оқушы. Дастан

Немересін жанынан артық көретін,екі еткізбей бәрін алып беретін.

Әжелердің құшағында күн иесі, еркелігі үзілместен күлетін.

6-оқушы. Нарқыз

Нағашы әже анамның анасы, жиендердің ақылшысы санасы.

Қонақ болып бара қалсаң үйіне, бәйек болып қарсы алатын нағашы.

7.-оқушы. Еңлік.

Атам менің аманда, әдепті жан бол деген

Атам сөзі санамда жасы үлкенге жол берем.

Алдын орап кісінің ,кесіп өтпе көлденең.

Ізетімен кішінің ,сәлемдесіп қол берем.

Ән: «Ата- әже» орындайтын 1-сынып оқушылары

МҰҒАЛІМ: - Кім де кімнің үйінде қартайып отырған әке-шешесі немесе атасы мен әжесі секілді қымбатты «қонағы» болса, егер үйдің иесі оларға дұрыс қарап, қамқорлық жасаса, қартайған ата-анасы оның отбасының құты болып табылады.