Қарты бар үйдің қазынасы бар тәрбие сағатының жоспары

Алматы қаласы Қ.А.Яссауи атындағы №123 мектеп-гимназиясының бастауыш сынып мұғалімі, «ҚР-ның Құрметті қызметкері», «Мәңгілік елдің мәртебелі мұғалімі» төсбелгісінің иегері, п.ғ.м Туткабаева Гулжан Балтагуловна.

«Қарты бар үйдің қазынасы бар»

“Үй маңында төбе болса, ерттеулі тұрған атпен тең,

Ауылыңда қария болса, жазулы тұрған хатпен тең” – деген екен халқымыз, тұла бойымызға даналық, мейірімділік қасиеттерін сіңірген асыл жанымыз – атамыздың берген батасы, сезімге толы сөздері әлемдегі ең қасиетті сөздер емес пе? Еркелетіп әлпештейтін, ақыл-кеңес беретін, жабыққанда жұбатып, қуанышыңмен бөлісетін асыл жандардың тұңғиықтан да терең оттай жалындаған мейірім махаббатына дүниенің еш теңеуі жоқ. Қарттар – біздің асыл қазынамыз. Осы қарияларымыздың бір кезде елі, халқы, келешек ұрпағы үшін жасаған игі істері ерекше құрметке лайық.

Қазіргі кезде қарттарға үлкен мән беріп, көңіл аударып, жан- жақты қамқорлық жасалуда. Қазақстанның өсіп-өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы. Олардың өмір жолдары бүгінгі ұрпаққа табылмас қазына. «Қарты бардың – қазынасы бар» – дейді халқымыз. Көп жасағанның бәрі қазына болып, үлгі-өнеге көрсетіп, айналасына ақылшы болып отырған адамдар бұл күнде санаулы. «Ақсақал» жасқа жету бар да, сол жасқа жеткен соң сол есімге лайық өмір сүру бар. Осы бір аяулы сөздің мағынасы тым тереңде, әрі қасиетті. Тағылымы мен парасатын танытатын, айналасына мейірім шуғын шашып, жан-жағына жылылық танытып жүретін қарттарымыздың қатары күн артқан сайын сиреп бара жатқаны өкінішті.

Ата-ардақты тұлға. Ата ұрпағының қайырымды,мейірімді,ақылды.іскер болуын тілеп,сол үшін қамқорлық іс-әрекеттерін басы жерге жеткенше дамыта береді,өнеге көрсетеді,өсиет айтады. Қазіргі кезде біздің мемлекетімізде аталарға үлкен мән беріп, көңіл аударып, жан- жақты үкімет тарапынан қамқорлық жасалуда. Қазақстанның өсіп- өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы ата-әжелеріміздің арқасы деп есептейміз. Қарт кісіні құт-береке деп танысақ-ол ұрпақ көрегендігі. Осы мақсатта 4 «Б» сынып оқушыларымен тәрбие сағаты өтілді. Тәрбие сағатының мақсаты оқушы бойына халқымыздың асыл қадір- қасиеттерін сіңіруі,үлкенді сыйлай білуге, өз ата-бабасын ұмытпай есте сақтау үшін және салт-дәстүрден нәр…