Қазақ аруы ұлт намысының айнасы атты байқау

"Қазақ аруы – ұлт намысының айнасы" атты арулар байқауы

Жүргізуші: Қайырлы күн құрметті ұстаздар,қонақтар, студенттер! «Көлік және тасымалдауды ұйымдастыру» бөлімшесінің «Рухани жаңғыру – келешекке жарқын жол» атты апталығының аясында ұйымдастырылған "Қазақ аруы – ұлт намысының айнасы" атты арулар байқауына қош келдіңіздер.

Қырмызы қызыл гүлсіңдер ме екен,

Жұмбақ жансындар бір сыр бермеген.

Жаза алмай жүрген жалын дастаным.

Жанартау болып жарылды кеудем,

Жүректің әлди әнін бастадым.

Бүгінгі сайысқа қатысқан үміткерлерге бағасын беретін әділқазылар алқасымен таныстырайық.

Директордың оқу ісі жөнідегі орынбасары – Алтыншаш Нуридиновна

Директордың тәрбие ісі жөніндегі орынбасары – Роза Тажигуловна

Кадр бөлімінің меңгерушісі – Күләш Қосуаққызы

Кітапхана меңгерушісі – Тыныштық Жанғали қызы

Колледж әдіскері - Сәнімхан Хабибуллаевна

Оқытушылар – Баршын Абдуллаевна, Жанғазы Мұхитович, Ақыл Еңсегеновна.

Жүргізуші: .

Жақсы адам кімге болсын болар пана,

Мол оның тал бойында ақыл, сана.

Көркіне ақылы да сай келетін

Қазақтың арулары кілең дана.

Қыздардың бәрі сұлу салсаң назар,

Бәрі де арманына қолын созар

Арманың орындалсын ару қыздар,

Бұйыртса бақыт құсы саған қонар.

Ендеше осы байқауға қатысатын аруларымызды ортаға шақырайық

Сайысқа ОПЖД-9/15-01, ОПЖД-9/16-01, ОПЖД-11/16-01, ЭиР-11/17-01, Р-ОПЖД- 9/16-01 топтары қатысады.

Жоспар:

1) Таныстыру.

2) Білім мен дәстүр (сұрақ -жауап)

3) "Шебердің қолы ортақ"(ою ою, ұршық иіру)

4) Ас – адамның арқауы (нан илеп, жазу; көкөніс салатын дайындау)

5) "Өнерліге өріс кең" (өнер байқауы: ән, би, көркем сөз сайысы)

6) Қорытынды

l бөлім "Мен - қазақтың қызымын"

(Әрбір топ таныстыруларын оқиды.)

Бағалау

ll бөлім "Білім мен дәстүр"

(Сұрақ – жауап бөлімі.)

Жүргізуші: Жас ару – жас ғұмырдың талғамысың,

Қуантқан әрбір үйді арманысың.

Дәл бүгін қанат қомдап сыналарда

Сан сұрақтан сүрінбей самғап ұшқын, - дей келе Сұрақ – жауап бөліміне шақырамын. Қоржын ішінде жиырма беске дейін сан жазылған асықтар бар. Сол асықтарды таңдай отырып, сұрақ номері белгілі болады. Жасырылған сұрақтарды алып кезекпен жауап бересіздер.Әр топқа бес сұрақтан жиырма бес сұрақ. Бес сұраққа бес минут уақыт беріледі.

Сұрақтар:

1) Малдың жіліктерінің атауын айтып бер

2) Жүннен жасалған бұйым (киіз)

3) Сәндік бұйым жасайтын адам (зергер)

4) Ұлыс күні жасалатын тағам (Наурыз көже)