Мектеп аруы байқауы сыныптан тыс жұмыс

«Мектеп аруы» байқауы

Армысыздар құрметті қонақтар! «Мектеп аруы» байқауына қош келіпсіздер!

Байқауда қыздарымыздың сыпайы сөйлеп, әдеп сақтауларын, сахна төрінде өздерін ұстай білулерін, ұзын бұрымды аруларға әсемдік үлгі берулерін, яғни «дәм-думан», «ән-думан», «шебер-думан», «сән-думан», «әсем-думан» сияқты бөлімдерде сұлу қыздарымыздың « бес саусағынан өнері тамған» туындыларын, өнерлерін көріп тамашалайсыздар. «Тойдың боларынан боладысы қызық»деген қазақта сөз бар емес пе сахна сыртында жүректері лүпілдеп алып-ұшып тұрған сұлу да әсем, көрем де ажарлы,сымбатты да кербез, инабатты да парасатты ару қыздарымызды ортаға ду қол шапалақтап, қошаметпен қарсы алайық.

( Музыка сазымен қыздарды кезекпен атап ортаға шақырамыз)

Әділқазы, ақ қазыға бір сәлем!

Әділдікке бас иеді күллі әлем!

Жүйрік озар сайыстарда неше бір

Сарапқа сап әділдікпен шеше біл!

Ажарлы қыздардың өнерін сынап, саралап әділ баға беретін әділқазы мүшелерімен таныс болайық

( Әділқазы мүшесімен таныстырылады)

І. Алғашқы сайысымыз - Таныстыру

ІІ. «Ас – адамның арқауы» дейді халық. «Ас тұрған жерде ауру тұрмайды» дейді тағы да. Ал «Астан үлкен нәрсе жоқ» деп асты қасиетті, киелі санаушылықты білдіреді. Халық даналығы, сыйластық дастархан басынан басталады. Әдеп, адамгершілік дегеннің түп-төркіні сол сыйластықта жатыр.Адамның тәні мен жанын кемелдендірудің жолын іздеген ұлы ойшылдардың, соның ішінде ақын-жазушылар мен медицина ғалымдарының тамақтану әдебіне ерекше мән бергендері тегін емес. Шығыстың әйгілі ақыны Сағди Шеразидің айтуынша, адам тамақ ішу барысында көп жақты сыннан өтеді екен. Сол сыннан қыздар да өтуге дайын. Келесі сайысымыз « Дәм-думан». (Қыздар өз қолдарымен жасап әкелген дәмдерін көрсетіп түсіндіреді)

ІІІ Ертеде бір данышпан қария ер жүрек жас жігітті тексермекші болып, мынадай сауал қояды.

«Егер саған бір емес, үш бойжеткен ынтық болса,сен үшеуінің қайсысын таңдар едің?» дейді. Сонда ер жүрек жігіт ойланбастан күліп қан: «Жүрегім қайсысын қалап ұнатады, соны өмірлік өзіме жар етер едім» дейді. Егер арулардың басына жол табарлық, ой айтарлық жағдай туса, не істер еді?

Келесі сайысымыз «Егер де мен...»

Қыз бен жігіт жайлы

Бір бойжеткен түні бойы қыдырып үйіне келсе, қақпа кілттеулі екен. Қақпадан секіріп түскен кезде, абайсызда көйлегінің етегін жалбыратып жыртып алады. Ертесіне байқамаған қалпы жұмысқа кете барады.Оны көріп ауылдың қыздары: «Ойбай, осындай мода шыққан екен. Біз одан қаламыз ба?» - деп, етектерін жалбыратып алған екен. Не істер едің?

Мектепті аяқтап, қалаға оқуға түстің. Бір күні жігіттер құрбың екеуіңді ресторанға шақырады. Онда барған соң шанышқыны қай қолға ұстап, пышақты қай қолға…