Қазақ елі тарихы зияткерлік ойыны 7-сынып

КММ "№19 жалпы орта білім беретін мектеп"

ҚАЗАҚ ХАНДЫҒЫНЫҢ 550 ЖЫЛДЫҒЫНА АРНАЛҒАН "ҚАЗАҚ ЕЛІ ТАРИХЫ" ЗИЯТКЕРЛІК-ТАНЫМДЫҚ ОЙЫНЫ

Дайындаған: тарих пәні мұғалімі

Нургазина Толкын Сайлаугазыкызы

Сынып: 7 «а», «д», «ж», «е»

Өткізілген күні:

Тақырыбы: Қазақ хандығының 550 жылдығына арналған "Қазақ елінің тарихы" зияткерлік-танымдық ойыны

Мақсаты:

Білімділік: оқушылардың Қазақ хандығының құрылу тарихы, жалпы Қазақ елі тарихы жөнінде алған білімдерін толықтыру, жан-жақты дамыту

Дамытушылық: оқушылардың логикалық ойлау, есте сақтау, карта, топпен жұмыс істеу қабілеттері мен дағдыларын дамыту

Тәрбиелік: оқушылардың Қазақ хандығының тарихына деген құрмет сезімдерін арттыру, азаматтық, патриоттық тәрбие беру

Сабақтың түрі: зияткерлік-танымдық ойын сабағы

Сабақтың әдісі: интерактивті әдіс, карта, топпен жұмыс, топтастыру әдісі, ұяшық ашу

Көрнекілігі: тақырыптық слайд, бейнематериал, интерактивті тақта, кескін карта, топтастыру тапсырмалары

Сабақтың барысы:

І. Ұйымдастыру кезеңі:

1. Амандасу

2. Сайысқа қатысушы топтарды орындарына отырғызу

ІІ. Қазақ хандығының 550 жылдығына арналған "Қазақ елінің тарихы" зияткерлік-танымдық ойынының жоспарымен таныстыру:

1. Ойынның мақсаты мен міндеттерімен таныстыру

2. Сайысқа қатысушы топтармен таныстыру

3. Әділ қазылар тобымен таныстыру

4. Ойын шартымен таныстыру

Мұғалімнің сөзі:

Құрметті ұстаздар, оқушылар Қазақ хандығының 550 жылдығына арналған "Қазақ елінің тарихы" зияткерлік-танымдық ойынына қош келдіңіздер!

Жүргізуші:

1465 жылдары Керей мен Жәнібек Әбілқайыр хандығынан бөлініп шығып, Шу мен Талас өзендерінің арасындағы аймаққа орналасып, қазақтың туын көкке көтергені тарихтан белгілі. «Қазақ» деп ұран тастағанда рухы көтеріліп, намысы оянған барлық қазақ тайпалары түгел жиналып, Қазақ хандығының іргесін қалағанын баршамыз білеміз. Әлбетте, одан кейін тағдыр бізді сан түрлі сынаққа салды. Үш ғасыр тарихымызбен ар – ожданымыз табанға тапталды. Түрлі нәубетті бастан өткердік. Бірақ, мың өліп мың тірілген қазақ ақыры азаттығын алды. Ал, Қазақ хандығының 550 жылдығын атап өту – сол азаттық сыйлаған бабаларға деген құрметіміз деп қабыл алыңыздар.

Түріктің бір бұтағы қазақ еді,

Қайсар мінез, өр еді, ғажап еді.

Жәнібек, Керей хандар басын қосып,

Өмірге келген еді қазақ елі.

Алтай мен Атыраудың арасында

Жетісу, жеті өзеннің сағасында.

Бірігіп Ұлы, Орта, Кіші жүз боп,

Хандық құрды қазақ өз даласында.

Елбасы 2015 жыл — ұлттық тарихымыздың ұлықталатын жылы екенін еске салды. Мәселен, 2015 жылы Қазақ хандығының 550 жылдығын, Қазақстан халқы Ассамблеясы мен Конституциямыздың 20 жылдығын, Ұлы Жеңістің 70 жылдығын, Ұлы Абайдың туғанына 170 жылдығын атап өтеміз.

Осы тарихи оқиғалардың ішінде мектебіміздің 7 сынып оқушыларының қатысуымен ұйымдастырылып отырған Қазақ хандығының 550 жылдығына арналған "Қазақ елінің тарихы" зияткерлік-танымдық ойынын бастауға рұқсат етіңіздер.

Ойынымыз негізгі 4 кезеңнен тұрады. Әр кезең бойынша ойынға қатысушы топтар сұрақтарға жауап бере отырып, белгілі ұпай санын жинайды.

І кезең. Белес

Шарты: әр топ кезекпен ұяшық таңдайды, ұпай саны таңдаған ұяшықтарына байланысты беріледі.

Қазақ хандары

Тәуелсіз Қазақстан

Елбасы

Қазақ хандары:

10 - Хақназар ханның билік құрған жылдары? (1538-1580)

20 - Қай қазақ ханы өзбек ханымен жасасқан "ант беріскен шартты бұзды"? (Тәуекел хан)

30 - Тұрсын хан қай жылдары өзін хан деп жариялады? (1613-1614)

Тәуелсіз Қазақстан:

10 - Қазақстан Республикасында өтетін ЭКСПО көрмесі қай жылға жоспарлаған? (2017)

20 - Қазақстан Республикасының қазіргі әнұраны қай жылы қабылданды? (2006)

30 - Қазақстан Республикасының тұңғыш Конституциясы қабылданған жыл? (1993)

Елбасы:

10 - Тұңғыш Президент сайлауы қашан болды? (1991 жыл 1 желтоқсан)

20 - Қазақстан Республикасының Ата Заңы бойынша Президент неше жылға сайланады? (5 жыл)

30 - Нұрсұлтан Әбішұлы Назарбаев еңбек жолын қай қаладан бастады? (Теміртау)

ІІ кезең. Сырға толы карта