Қазақ тілі апталығын ұйымдастыруға арналған мақала

Қазақ тілі апталығы

Дәстүр бойынша мектебімізде қазақ тілі апталығы Тәуелсіздік мерекесімен немесе Наурыз мейрамын тойлаумен ұштасып, өз мәресіне жетеді. Биыл да, қазақ тілі апталығы «Тіл мәртебесі – ел мәртебесі» деген атпен желтоқсанның 10-ында басталып, Тәуелсіздік мейрамына арналған концертпен аяқталды. Қазақ тілі мұғалімдері ӘБ апталыққа арналған жұмыстарын жоспарлай отырып, апталықты қызықты, ерекше атап өткізуге тырысты. Тоқсанның аяқталуымен тұспа тұс келуіне қарамастан, әр түрлі іс - шаралар өткізілді. Апталық, дүйсенбі күні «Қазақ тілім - ардағым» атты салтанатты жиынмен басталды. Оқушылар мемлекеттік тілде тақпақ айтып, ән салып, Абай өлеңдерінен үзінді оқыды. Апталық барысында мектепішілік басқа ұлт өкілдеріне арналған «Тіл шамшырақтары», барлық балалар үшін «Абай оқулары» өтті. Биылғы жылы «Абай оқуларының» ерекшелігі – байқауға 4 сынып оқушылары да қатыса бастады. Сонымен қатар, Астананың 20 жылдығына арналған сурет салудан байқау болды.

5 сыныптар арасында «Кім көп біледі?» атты өте қызықты сайыс өтті. Оқушылардың бұл жастағы белсенділігін, бәсекелестігін ескере отырып, сайыста АҚТ қолданып, қызықты сұрақтар дайындалды. Сұрақтарға жеңілділігіне, қиындығына қарай балл беріліп отыруы оқушыларды одан әрі қызықтыра түсті. Сол сияқты, 9 сыныптар арасында да «Бәрін білгім келеді» атты жас ерекшеліктеріне арналған сайыс өтті. Бұл сайыста оқушылардың тілдерін дамыта отырып, грамматиканы да қалай меңгергендері анықталды. Әрине мұндай паралель сыныптарда оқушылардың бәсекелестік қабілеттері жоғары, бір бірінен асып түсуге тырысады. Мектеп фойесінде «Қызықты грамматика» туралы, биылғы жылы мерейтойлары аталып жатқан ақын -жазушылар туралы танымдық ақпарат безендірілді. 3,4 сыныптар арасында тіл дамытуға, өткен тақырыптарын қайталауға арналған сөзжұмбақтар, ребустар беріліп, танымдық викториналық ойын өткізілді. Апталық соңында Тәуелсіздік мейрамына арналған концертте 5 – 10 сынып оқушылары «ұлттық тағам», «ұлттық ойын», «ұлы сөз - бата», сайыс түрлеріне қатысып, салт - дәстүрлеріміз көрсетіліп, өнерлерін ортаға салды. Апталыққа белсене қатысқан барлық оқушылар мадақтамамен, алғыс хаттармен марапатталды. Осы Тәуелсіздік мейра

Денисов ауданы әкімдігінің

«Фрунзе орта мектебі» КММ

қазақ тілі мен әдебиеті мұғалімі

К. Р. Дауренбекова