Тілдер айлығы туралы мақала қазақ тілі пәніне

Тіл – асыл қазына

Ал екінші бақытым – тілім менің Тас жүректі тіліммен тілімдедім. Кей-кейде дүниеден түңілсем де, Қасиетті тілімнен түңілмедім…

Мұқағали Мақатаев

Тіл – мемлекеттің тұғырлы тұтқасы, халықтың рухани байлығы, өткені мен болашағының айқын көрінісі мен жетістігі. Адамды ұлы жеңіске де, мұратқа да жеткізетін – ана тілі мен ата дәстүрі. Біздің осындай халықтық қасиетті мұрамыз, ана тіліміз – қазақ тілі.

Қазақ елі тәуелсіз мемлекет болып орнағалы ширек ғасырға таяу уақыт болды. Мемлекеттік тілі – қазақ тілі деп жарияланды. Бұл тұста Елбасымыз – Нұрсұлтан Әбішұлы Назарбаев «Қазақтың болашағы – қазақ тілінде», – деп алдымызға айқын жол ашып берді. Бізге тек осы ұстанымды жүзеге асыруға бар күш-жігерді аямай, еңбек ету ғана қалды.

Тіл саясатын қолға алу, жүзеге асыру мақсатында мектебімізде «Тілдер айлығы» өткізілді. «Тілдер айлығының» мақсаты: Елбасының «Болашаққа бағдар: рухани жаңғыру» мақаласындағы «Туған жер» бағдарламасын насихаттай отырып, Тәуелсіз елімізде өмір сүріп отырған түрлі ұлт өкілдері арасындағы достық пен бірлікті нығайту, «Қазақстан Республикасындағы Тілдер туралы» Заңын жүзеге асыру.

Тілдер айлығы шеңберінде қазақ тілінде тақырыптық, анимациялық фильмдер көрсету, «Тілдер үштұғырлығы» Ұлттық мәдени жоба шеңберінде іс-шаралар өткізу, «Мың бала» жобасы аясында сайыстар ұйымдастыру, «Тілдің мерейі – елдің мерейі» тақырыбында сынып сағаттарын өткізу, тіл туралы мәнерлеп өлең оқу сайыстарын ұйымдастыру сияқты жұмыстар атқарылды.

Айлық шеңберінде мектебімізде 17-22 қыркүйек аралығында «Тілдер апталығы» өткізілді. Апталықтың сәтті өтуінде ұстаздар қауымының ғана емес, сонымен қатар1-11 сынып оқушыларының да үлесі зор.

Апталықтың бірінші күнінде қазақ тілі мен әдебиеті пәнінің мұғалімі Тогайбекова Г.К. 1-4 сынып оқушыларымен «Ана тілі – жүрек үні» атты ашық тәрбие сағатын өткізді. Оқушылар қазақ тілінде сөйлеу деңгейін, сөздік қорын, өлең оқу, мақал мен жұмбақ айту қабілеттерін ортаға салды.

Ағылшын тілі пәнінің мұғалімі Уәлихан Д.Ә. бастауыш сынып оқушыларымен «Clever boys and girls» атты танымдық сайысын ұйымдастырып, оқушылардың шет тілдерін үйренуге деген ынта-ықыластарын дамытуға байланысты тапсырмалар беріп, ал бастауыш сынып оқушылары шара барысында ағылшын тілін қаншалықты меңгергендерін көрсете білді.