Қазақ тілі – халықтың ұлттық тілі 10-сынып

Күнтізбелік-тақырыптың жоспардың

сабақ жоспары

Топ атауы

Өткізілген күні

Сабақтың тақырыбы: Қазақ тілі – қазақ халқының ұлттық тілі.

Елбасының «Тәуелсіздік толғауы»

Сабақтың мақсаты : а) қазақ тілі –ұлт тілі екендігі туралы түсінік бере отырып, қазақ тілінің мәртебесін аяққа баспай қашанда биік ұстауға үйрету;

ә) Оқушылардың бойына әдептілік,инабаттылық,қарапайымдылқ қасиеттерін қалыптастыру;

б) Сабақ барысында оқушыларды сауаттылыққа баулу,

Сабақтың түрі : жаңа сабақты игерту

Сабақтың әдісі : сұрақ-жауап,шығармашылық іздену

Сабақтың көрнекілігі : кеспе қағаздар, таблицалар

Пәнаралық байланыс : әдебиет, орыс тілі

Сабақтың барысы :

а) Ұйымдастыру кезеңі :

Оқушылармен амандасу,түгелдеу,оқу құралдарын тексеру.Сыныптың тазалығына көңіл бөлу.Оқушылардың зейінін сабаққа аудару.

ә) Үй тапсырмасын пысықтау :

6-тапсырма. Мәтінді оқып шығып , жазба тіліміздегі қандай әліпбилерді пайдаланғанымызға назар аударыңыз. Қазақ жазуының бір әліпбиден екінші әліпбиге көшуінің себептері немен байланысты деп ойлайсыз? Бұл жөнінде өз пікіріңізді жазыңыз.

Фонетика саласы қандай тақырыптарды зерттейді? Қарамен жазылған сөзге жазбаша толық фонетикалық талдау жасаңыз.

Біз пайдаланған әліпби түрлері 56 бет (авт Уәли Н.)

б) Жаңа сабақты түсіндіру.

1-тапсырма. Мәтінді түсініп оқыңыздар.

ҚАЗАҚ ТІЛІ -ҚАЗАҚ ХАЛҚЫНЫҢ ҰЛТТЫҚ ТІЛІ

Қазақ тілі – небір күрделі ойды, аса нәзік мағыналық реңктерді дәлме-дәл бере алатындай құрылымы мен жүйесі дамыған , стильдік тармақтары сараланған, сөз байлығы аса мол, ұлттық тіл деңгейіне көтерілген қазақ халқының ұлттық тілі, Қазақстан Республикасының мемлекеттік тілі.

Қазақ тілі -Әлемдік тіл кеңістігінде қайталамасы жоқ, ғасырлар бойы гуманизм мен прогреске, қазақтардың ұлттық тұтастығы мен бірлігін нығайтуға қызмет етіп келе жатқан тіл.

Қазақ тілінде адамгершілік пен бауырмалдықты , өнеге мен ізгілікті уағыздайтын небір көркем сөз үлгілері жасалған. Абайдың ойшылдыққа толы ұлы мұрасы, Әуезов сомдаған көркем дүниелер ұлттық шеңберден шығып, әлемдәк деңгейдегі өркениетке үлес болып қосылуы қазақ тілінің эстетикалық , дүниетанымдық қуатының басқа да әлеуметтік мүмкіндігінің аса зор екенін танытады.

Жалпыхалықтық қазақ тілінің әдеби тіл, қарапайым сөйлеу тілі (диалект) тәрізді түрлері бар.