Қазақ тілі мен әдебиетін компьютермен оқыту әдістемесі

Қазақ тілі мен әдебиеті пәндерін компьютермен оқыту.

Қазақ тілі мен әдебиеті пәндерін компьютердің қуаттауымен жүргізуді үйрену бүгінгі күннің кезек күттірмейтін өзекті мәселелердің бірі. Орыс сыныптарында қазақ тілі мен әдебиеті пәнін оқыту арқылы оқушыларға рухани-адамгершілік тәрбие берудегі мұғалімнің атқаратын рөлі өте зор.

Сондықтан орыс сыныптарының оқушыларына арналған жұмыс бағдарламасында рухани-адамгершілік мұраларды енгізіп, оны жүзеге асырып отырамын. Сабақ барысында қазақ халқының дәстүрлерін кеңінен пайдаланып тәрбие ісіне арқау ету қажет.

Сабақ барысында мақал-мәтелдер, жұмбақтар, жаңылтпаштар, ертегілер, аңыз-әңгімелер мен нақыл, тыйым сөздерді кеңінен пайдаланып отыру қажет. Сонымен қатар оқушылар халқының билері- Төле би, Әйтеке би, Қазыбек би, батырлары – Қабанбай, Бөгенбай халықтың ұлттық бірлігін нығайтып, халықтығын сақтауға зор әсерін тигізген данышпан, ақын, шешен, ойшылдар болғанын оқытып, өнегелі сөздерін түсіндіре отырып, жатқа айтқызамын. Осындай ұлағатты сөздер шешендікке, адамгершілікке тәрбиелейді, ұлттық мақтаныш сезімін оятады және тілді үйренуге талпындырады.

Қазақ тілін оқытудағы жалпы мақсат- оқушыларға ана тіліміздің ғасырлар бойғы сұрыпталып келген көркемдігі мен әсем өрнегін, лексикалық байлығын таныту, қазақ тілінің қуатын, құдіретін, шешендігін жас ұрпақ бойына дарыту ана тілімізді қуатты әдеби тіл қатарынан түсірмей, мемлекеттік тіл мәртебесіне көтеру.

Сондықтан да қазақ тілі мен әдебиетін компьютерлендіру оқушылардың оқуға деген қызығушылығын арттырады.Компьютермен оқыту – оқушылардың өз бетімен іздену жұмысының өте тиімді түрі. Компьютермен оқыту үрдісін енгізу оқушылардың қызығуын арттыратыны соншалық олар сабақтан тыс уақытта да құлшыныс танытатын болады.

Ал компьютерді толық меңгерген оқушының оған қызығуы бұрынғыдан да арта түседі. Түрлі тапсырмаларды компьютермен орындау оқушыны еркіндікке, төзімділікке, мақсаткерлікке баулиды. Компьютермен тапсырма орындауға мақсат айқын болғанымен, оған жетудің нақты жолдары көрсетілмейді. Сондықтан, бұдан ділгерлік туындап, оқушының қиялдау мүмкіндігіне жол ашылады, ақыл-ой белсенділігін дамытуға көмектеседі.

Компьютерлік оқулықтар және компьютермен түрлі жұмыстар жүргізу арқылы оқушының біліктілігі мен белсенділігін, пәнге деген қызығушылығын арттыру жүзеге асырылады. Сондықтан да оқушы компьютерде жұмыс істеуге қажетті біліктілікті меңгеру қажет.Қазақ тілі мен әдебиеті пәндерін компьютермен оқытудың мақсаты – оқу жұмысының жоғарғы дәрежелі болуына жағдай жасайды, оқушының қазақ тілі мен…