Қазақ тілінің ұлт рухындағы орны туралы мақала, 11 сынып

Қазақ тілі - ұлттың жаны.

Ұлы Абайдың ; «Мақсатым тіл ұстартып, өнер шашпақ, Наданның көзін қойып көңілін ашпақ.Үлгі алсын деймін ойлы жас жігіттер, Думан – сауық ойда жоқ әуел баста – ақ» деген толғауынан жалпы тілге, әсіресе ана тілге деген ыстық ықыласы, ой –жігерді анық та айқын көреміз.

Қазақ тілі-қазақ халқының рухани негізі, мәдинеттінің тірегі. Әлемдегі барлық халық тәуелсіздікке ұлттық қадір-қасиетін, мәдениетін, ана тілін сақтап қалу үшін ұмтылады. Қазақ тілі тарихы – түркітанудағы күрделі мәселелердің бірі. Әдетте,тіл тарихы ұлт тарихымен сабақтас өрлейді. Қазақ тілі өзге түркі тілдерімен салыстырғанда, сөздік қоры жөнінен ежелгі таза қалпын сақтап келе жатқан тілдердің бірі. Қазақ тілі халқымыздың рухани байлығы, атадан балаға, ұрпақтан ұрпаққа мирас болып отырған баға жетпес асыл мұра.Ал қазіргі қоғамдағы тіл мәселесіне келер болсақ, өзге тіл тұрмақ өз қазақ тілін білмейтіндер өте көп.Қазақ болып туып , қазақ тілін білмеу тек тіл білмеу ғана емес бұл- рухани әлсіздіктің белгісі.Әрбір ұлт өз ана тілін білуі керек.Себебі тіл ұлттың жаны, тарихы мен болмысы. Оны білмеу-өз ұлтыңа, ата-баба аманатына деген немқұрайлылық.

Ал қазіргі жағдайда қазақ тілін білу таңдау емес, жауапкершілік. Бүгінде тәуелсіз елде өмір сүріп ана тілін білмеу – ұят әрі, ұлтқа сүйіспеншіліктің әлсіздігінің айқын белгісі. Бүгінгі таңда қазақ тілін үйренуге мүмкіндік өте көп. Мектеп, кітап, көркем әдебиет, кино және әлеуметтік желілерде қазақша контент күннен-күнге артып келеді.Ең бастысы тіл үйренемін деген адамға мүмкіндік емес, ниет керек. Енді сылтау іздейтін емес, жауапкершілік сезінетін кезең.

Қазақ тілі жәй ғана қарым- қатынас құралы емес, ол-ұлттың жүрегі. Өз тілін құрметтеген халық-өзін, тарихын, болашағын құрметтеген халық. Қазіргі таңда қазақ тілінің мәртебесін асқақтату тек мемлекетке емес, әр азаматқа байланысты.Ана тілін қастерлеу міңгілік тұғыры биік ел болудың кепілі. Сондықтан әр қазақ өз тілін сүюден, оны үйреніп, қолданудан бастау алуы керек. Тіліміз тірі болса-ұлтымыз мәңгі жасайды.

Авторы; Бақтыбайқызы Нұршат