Қазақ тілінің қоғамдағы орны туралы мақала, 11 сынып

Тілім менің- таусылмайтын байлығым

Ана тілі - еліміздің басты байлығы, келер ұрпақтың ұраны, халықтың жүрегі,

ең қымбат құндылығымыз. “Тілі жоғалған жұрттың өзі де жоғалады”,-деп

ұлы ақын Ахмет Байтұрсынұлы айтып өткен. Тіл мәселесі қазіргі таңдағы

қоғамда да өте өзекті. Таусылмас байлығымыз -ана тіліміздің өзіне тән биік

тұғырдағы орнын ала алмауы, мемлекеттік тіліміздің басқа тілдердің

көлеңкесінде қалуы бәрімізді қынжылтатын мәселе.

“Бұл дәуірде өз тілін, әдебиетін білмеген, қадірлемеген адам толық, мәнді

интеллигент емес деуге де болады. Себебі, ол қандайлық

мамандық білімі болса да, рухани ой тәрбиесінде сынаржақ азамат

болады.”,- деген Мұхтар Әуезовтың сөзі түсінген адамды бей-жай

қалдырмасы анық. Шынында да, өз ана тілін білмейтін адамды саналы ,

білікті тұлға деп айтуға ауыз бармайды. Біздің буынның күнделікті өмірде

қазақ тілінде сөйлемей, орыс, ағылшын тілдерінде сөйлеуі,өзге тілден енген

сөздерді қосып тіліміздің сала құлаштануы, қазақ тілінде сөйлей алмай

жатып, басқа тілді меңгеруге асығатындары жасырын емес. Шынымен өз ана

тілімізді құрметтемейтін болғанбыз ба? Қазақстан көпұлтты мемлекет екені

белгілі. Алайда бұл біз сол ұлттардың тілінде сөйлеу керекпіз деген сөз емес.

Бәрімізге ортақ мемлекеттік тіл- қазақ тілі. Сол себепті бәріміз қазақ тілін

құрметтеп, өз тілімізді мақтан тұту керекпіз. Өйткені ана тілімізді бағалау,

жетік білу барша қазақстандықтың парызы.

Қазіргі жастардың арасында қазақ тілінде сөйлей алмайтындар көп-ақ.

Бірақ менің ойымша біздің буынның мұндай өрескелі қателігіне әсер ететін

нәрселерде аз емес. Санасына орыстану саясаты енген ата-аналар балаларын

орыс тілінде сөйлеуге үйретіп, балабақшада орыс топтарына қосып, орыс

мектептеріне береді. Одан қалса кішкентайынан ағылшын тілін үйретеді.

Әрине, басқа тілдерді білген жақсы, десе де, “Өзге тілдің бәрін біл,өз тіліңді

құрметте” демекші ең бірінші орынға ана тілімізді қойған абзал деп

есептеймін. Сонымен қатар, далаға шыға салғанда көзге ең бірінші түсетін

түрлі орын атауларының,хабарландырулардың көбісі орыс немесе ағылшын

тілдерінде жазылатынын байқаймыз. Жас жеткіншектің санасына қоршаған

ортадағы көріністің әсері мол. Бәлкім, ана тілімізде емес ,басқа тілде

сөйлеуге дайын тұратындығымыз қоғамнан санамызға сіңген болар.