Қазақ ұлттық тағамдары бойынша мектепалды сабақ жоспары

Мектепалды даярлық тобының ұйымдастырылған оқу іс әрекетінің жоспары

Білім беру саласы: әлеуметтік орта

Бөлімі: этнопедагогика

Тақырыбы: «Қазақ халқының ұлттық тағамдары »

Мақсаты

Білімділік: 1. Ұлттық тағамдар жайлы түсінік қалыптастыру,ет, сүт тағамдары, дәнді дақылдар жайлы айту

2.Сыпайылық, сыйласымдық қасиеттерін дамыту

3. Ақты төкпеуге, төрт- түлік малды қорламауға тәрбиелеу

Әдіс – тәсіл: Түсіндіру, үйрету, көрсету, сұрақ - жауап

Қос тілділік: Ұлттық тағамдар – Национальные блюда

Ет тағамдары - Мясные продукты

Сүт тағамдары - Молочные продукты

Қызметтің кезеңдері

Тәрбиеші әрекеті

Балалардың әрекеті

Ұйымдастырушы қозғаушы қызмет

Ұйымдастыру кезеңі.

Сәлемдесу.

Сәлеметсіңдер ме балалар?

Қане бәріміз шаттық шеңберіне тұрайық!

«Жүректен-жүрекке» шеңбері

– Балалар! Сендерді «Жүректен – жүрекке» деп аталатын тамаша шеңберге шақырамын. Қолдарымыздан ұстасамыз. Бір-бірімізге күлімдей қараймыз. Өзімізге мейірімді, қамқор, бақытты болуға тырысамыз деп уәде берейік. Келістік пе?! Ал енді бір-бірімізге шын жүректен былай деп жар салайық:

Бар әлемге жақсылық жаса,

Басқалар қуансын деп жақсылық жаса!

Мұғаліммен амандасу;

Шаттық шеңберіне тұру;

Іс - қимылдарды дұрыс жасау;

Ұйымдастырушы ізденушілік

Балалар, біз бүгін сендермен қазақ халқының ұлттық тағамдары жайлы айтамыз.

Қане сендер бірінші айтыңдаршы қандай ұлттық тағамдарды білесіңдер?

-Балалар, ұлттық тағамдар бірнеше түрге бөлінеді. Олар : ет тағамдары, сүт тағамдары, ұн тағамдары және дәнді- дақылдардан жасалатын тағамдар.

Қарта – жылқы етінің ең кәделі мүшелерінің бірі. Жылқы сойғанда ең алдымен қартаны ішіндегісінен босатып, айналдырады да, салқын суға жуып тазалайды. Қартаны дәміне келтіру үшін тұздайды, бұрыш сеуіп, пияз турап қосады.

Сорпа. Ет желінген соң сорпаны әкеледі. Сорпа деп қазақ ұғымында малдың, аңның, балықтың, құстың қайнатып пісірілген етінің суға шыққан сөлін, маңызын айтады, яғни еттің ең күшті нәрі. Ең дәмді сорпа сиыр етінің сорпасы, содан кейінгі орынды қой және ешкі етінің сорпасы алады. Жас жылқы мен сиырдың, сондай-ақ, қойдың сорпасы өте дәмді болады.

Бас – қойдың, ешкінің, сиырдың басын үйтіп, қырып жылы суға бірнеше рет қайталап, мұқият жуып тазартады. Қой, ешкінің басы тұтас күйінде, ал жылқының, түйенің басын бөліп асады. Бас асқан етпен бірге беріледі.

Қуырдақ – жаңа сойылған малдың өкпе-бауырынан, мойын, төстік етінен, жүрек бүйрегінен, сондай-ақ ішек-қарнынан ұсақтап әзірлейді.

Ұннан жасалатын тағамдар

Бауырсақ –шай, қымыз, шұбат ішкенде дастарқанға бауырсақ салады. Бауырсақты жоғары немесе бірінші сортты бидай ұнынан пісіреді.