Қазақ ұлттық киімдері бойынша мектепалды сабақ жоспары

Мектепалды даярлық топтарының ұйымдастырылған оқу іс әрекетінің технологиялық картасы

Білім беру саласы: әлеуметтік орта

Бөлімі: этнопедагогика

Тақырыбы: «Қазақ ұлттық киімдері»

Мақсаты: Балаларды ұлтымыздың ертеден келе жатқан ұлттық киімдерімен, онда тігілетін ою – өрнектермен таныстыру. Ерлерге, әйел адамдарға арналған бас киімдер, аяқ киімдер жайлы айту.

2.Эстетикалық талғамын көтеру

3.Қоршаған ортаға деген қызығушылығын арттыру

Әдіс- тәсіл: Көрсету, үйрету

Қостілділік: Қазақ ұлттық киімдері – Казахские национальные костюмы

Ұлттық бас киімдер – Национальные головные уборы

Ер адамдар киімдері – Национальные костюмы для мужчин

Әйел адамдар киімдері- Национальные костюмы для женщин

Қызметтің кезеңдері

Тәрбиеші әрекеті

Балалардың әрекеті

Ұйымдастырушы қозғаушы қызмет

Ұйымдастыру кезеңі.

Сәлемдесу.

Амансың ба күн ? ( балалар жоғары қарап, қолдарын жоғары көтереді)

Амансың ба ұстаз – қауым? ( балалар алдыға иіліп мұғалімге амандасады).

Бізге күн суық болса – тоңбауға, күн ыстық болса басымыздан күн өтпеуге не көмектеседі?

Өте жақсы. Ал біз қандай ұлттық киімдерді білеміз? Денемізге киетін ерлердің қандай киімдерін білеміз? (шапан, желет және т.б). Ал әйел адамдардың ше?(кимешек, комзол, бешпет). Қандай бас киімдерді білеміз ? (бөрік, тақия, сәукеле). Өте жақсы. Көп киімдерді біледі екенсіңдер.

Бәріміз тақтаға назар аударайық. Бұл біздің ұлттық киімдеріміз. Ертеде ата – бабаларымыз әр түрлі ою – өрнектерден, моншақтардан, қымбат тастардан әшекейлеп киімдер тіккен. Мынау – ерлердің шапаны. Шапан әр түрлі матадан және ою – өрнектен тұрады. Шапанға арнап тақия тіккен. Тақия да оюлардан тұрады. Бұл шапан мен тақияны аталарымыз киген. Қазір қазақ халқында қонақ кәде ретінде шапан мен тақия кигізу дәстүрі бар.

Ал мынау әжелеріміздің комзолы. Комзол қымбат тастардан тігілген екен. Комзол қымбат киім ретінде бағаланған. Қазіргі кезде де апаларымыз комзол киіп жүр.

Ал мынау балалар қыз балалардың бас киімі - сәукеле.Сәукеле қымбат тастардан, моншақтардан тігілген. Ол көбінесе қыз балалар ұзатылғанда киген. Бұл дәстүр қазірге дейін бар.

Сұрақтарға дұрыс жауап беру;

Іс – қимылдарды дұрыс орындау;

Тақтаға назар аудару.

Ұлттық киімдермен танысамыз;

Тәрбиешіні тыңдау;

Тақтаға назар аудару;