Қазақшаңыз қалай ойындары мен сценарийлері 5 сыныпқа

Қазақшаңыз қалай?

(сайыс)

5 «А» сынып

Жауапты мұғалім:

Тубетбаева Б.К

Алматы, 2018 ж.

Тақырыбы: Қазақшаңыз қалай?

Түрі: танымдық ойын

Мақсаты: Оқушылардың білімдерін пысықтап, ой-өрісін, білім деңгейін көтеру. Тіл байлығын, ойлау қабілетін, қазақ тілінде еркін сөйлеу шеберліктерін жетілдіру. Тілге деген қызығушылықтарын арттыру. Отанын, жерін, елін сүюге, халық дәстүрін сыйлауға тәрбиелеу.

Көрнекілік: Қазақстан картасы, шарлар, плакаттар, суреттер, кеспе қағаздар.

І. Ұйымдастыру кезеңі.

Әнұраным – жан ұраным,

Айтар әнім, сөйлер сөзім.

Туған жерім, сағынарым,

Мың қайталап айтар әнім.

Әнұран айтылады

ІІ. Негізгі кезең.

Жүргізуші: Құрметті қонақтар, оқушылар! Бүгінгі «Қазақшаңыз қалай?» атты сайысымызды ашық деп жариялаймыз. Тіл сайысын өткізудегі мақсатымыз басқа ұлт өкілдерінің мемлекеттік тілге құрметпен қарауын және де теледидарда жүргізілетін қазақша хабарларға қызығушылықтарын арттыру.

Жүргізуші: Сайыс 8 кезеңнен тұрады:

Таныстыру.

Дода.

Сөз мәйегі – мақал.

Кім жылдам?

Әріптер сайысы.

Сен білесің бе?

Кім тапқыр?

«Өнерпаз болсаң...»

Жүргізуші: Сайыскерлердің білімін таразылап, әділ баға беруші қазылар алқасымен таныс болайық.

Осымен сайысымыз басталсын,

Көрермендер бір серпіліп тасталсын.

Таныстырсын сайыскерлер өздерін,

Өнерлері қол соғылып қосталсын.

І кезең. Таныстыру.

І топ. «Жасұлан»

Қылшылдап жүрген жасұлан,

Әрқашан сөзге тоқтаған.

Тілімен топты жаратын,

Тобымыз біздің – «Жасұлан»

ІІ топ. «Тоқтархан»

Намысты қолдан бермейтін,

Жүрегімен сөйлейтін.

Біліммен келдік сайысқа,

Тобымыз біздің – «Тоқтархан»

ІІ кезең. «Дода»

Кезеңде әр топқа 10 сұрақтан қойылады. Сұрақтарға тоқтаусыз, жылдам және дұрыс жауап беру қажет.

І топқа:

ҚР мемлекеттік тілі?

Күздің бірінші айы, қандай ай?

Абай Құнанбайұлының шын аты кім?

Бір жылда неше күн бар?

Наурызда пісірілетін басты тағам не?

Қазақстанның туының түсі қандай?

Тұрлаусыз мүшелерге не жатады?

«Қыс» өлеңін кім жазған?

Қазақстан әлемде жер көлемі жағынан нешінші орын алады?

Қолы жоқ, сурет салады,

Тісі жоқ, тістеп алады.

Бұл не? (Аяз)

ІІ топқа:

Абай Құнанбайұлының әжесінің аты кім?

Қазақ тілінде жалғаудың неше түрі бар?

Тұрлаулы мүшелерге не жатады?

«Тимка-Димка» әңгімесін кім жазған? (Ғабит Мүсірепов)

«Алтын сақа», «Ер Төстік» қандай ертегілерге жатады? (қиял-ғажайып).