Қазақшаңыз қалай сайысының мерекелік сценарийі

ИП «Ахметова А»

№4 «Көктем» бөбекжай балабақшасы

«1 мамыр- Қазақстан халықтарының бірлігі күні»

мерекесіне орай

өзге ұлтты педагогтар арасында ұйымдастырылған сайыс

Тақырыбы:«ҚАЗАҚШАҢЫЗ ҚАЛАЙ?»

Дайындаған: Жумашева Жанат С.

қазақ тілі пәнінің мұғалімі.

Ақтөбе – 2021-2022 о.ж.

ИП «Ахметова А» №4 «Көктем» бөбекжай балабақшасының қазақ тілі пәні мұғалімі Жумашева Жанат Сангалиевна «1 мамыр- Қазақстан халықтарының бірлігі күні» мерекесіне орай өзге ұлтты педагогтар арасында «Қазақшаңыз қалай?» атты сайысы ұйымдастырды.

Сайыстың мақсаты: өзге ұлт арасында мемлекеттік тілдің қолдану аясын кеңейту, мәртебесін көтеру; сөздік қорларын, ауызекі сөйлеу тілі мен мәдениетін, тіл байлықтарын арттыру, ойлау қабілеттерін дамыту, ой өрісін кеңейту; қазақ тіліне деген қызығушылығын арттыру.Көрнекі құралдар: «1 мамыр- Қазақстан халықтарының бірлігі күні» мерекесіне арналған безендіру, сұрақтар компьютер арқылы көрсетіледі.Сайыстың өтілу барысы:I. Ұйымдастыру. Сайыстың мақсатын хабарлау.Жүргізуші:– Сәлеметсіздер ме, құрметті мұғалімдер, қонақтар, қадірлі ойынға қатысушылар! Бүгінгі біздің өткізгелі отырған «Қазақшаңыз қалай?» атты сайысымыздың негізгі мақсаты – мемлекеттік тілдің қолдану аясын кеңейту, қазақ тілінің мәртебесін көтеру.Бүгінгі сайысқа №4 «Көктем» бөбекжай балабақшасының тәрбиешілерінің арасынан өзге ұлт өкілдері қатысады.

2. Кіріспе сөз.

Жүргізуші: Тіл – өте маңызды құрал. Тіл болмаса адам өз ойын жеткізе алмас еді. Өткен тарихымыз, халқымыздың әдет ғұрыптары, салт – дәстүрлері, бізге ана тіліміз арқылы жетеді. Қазақ тілі – өте бай әрі көркем тілдердің бірі. Мемлекеттік тілді меңгеру – ҚР азаматының парызы.– Олай болса, сайысымызды бастайық. Ойыншылар, сіздерге сәт – сапар тілеймін!– Сайыс бес кезеңнен тұрады. Әр кезең ұпайлармен бағаланады, сайыс мәресіне жеткенде қорытынды шығарылып, жеңімпаздар мадақтама қағазымен және сыйлықтармен марапатталады.Сайыс кезеңдерімен таныс болайық:

І –кезең. «Сәлемдесу, танысу- адамдықтың белгісі»- өзін – өзі таныстыру.

ІІ - кезең «Білімді мыңды жығады»-көп нүктенің орнына тиесіл қазақ тіліне тән дыбыстарды тауып, дұрыс жазу.

ІІІ - кезең «Сөз асылы – мақал» -Мақалдардың жалғасын табу.

ІV - кезең «Жүйріктен жүйрік озар жарысқанда» - Мәнерлеп оқу 1 минөтте қанша сөз оқиды.

V - кезең «Сөз шебері- шешен»- берілген сөзден кім қанша сөз табады.

VІ - кезең «Бәйге»- сұрақтарды түсініп, жылдам жауап беру. Қай ойыншы карточкасын бұрын көтерсе, сол жауап береді.

Бүгінгі сайысымыздың әділ бағасын беріп жеңімпазымызды анықтап беретін Әділқазылар алқасымен таныс болыңыздар:

1. Жумағалиева А.С.- №4 «Көктем» б/б. меңгерушісі.

2. Ибраева А.Б.- №4 «Көктем» б/б. әдіскері.

3. Баймуханова Р.Е.- №4 «Көктем» б/б.орыс тілі мұғалімі.