Қазақстан Республикасы тәуелсіз ел эссе шығарма

Қазақстан Республикасы—Тәуелсіз ел

Тәуелсіздік—Тәңірі берген тәтті сый.

«Тәуелсіз Қазақстан!», «Қазақстан Республикасы» неткен керемет,киелі ұғымдар! Бұл ұғымдардан,Отанымыздың тәуелсіз,еркін мемлекет екенін бірден аңғаруға болады.Бүгінде біз—қанатын кеңге жайған елміз.Көк туымыз желбіреп,сол жағымыздағы мақтаныш сезіммен дүрсілдеп тұрған жүрек әнұранымызға әуен қосып,әнұранымыз асқақтай шырқалуда.

Тәуелсіздік туының желбірегеніне де,міне 25жыл толып отыр. Тоғыз жолдың торабында алпауыт елдердің қатарындағы алып мемлекетімізді әлем жұртшылығы құрметтейді. Өзіміздің білім нәрімен сусындатып отырған жас жеткіншектерімізге Тәуелсіздіктің оңай жолмен келмегенін жете түсіндіру біздің мақсатымыз.Тәуелсіздікке жету—оңай жолмен келген жоқ,ол бәрімізге мәлім. Бұл қазақ халқының ғасырлар бойы көздеген арман-мұраттарының орындалуы. Сол тәуелсіздік жолында қазақ бабам не көрмеді десеңізші?! Елімізідің басынан азап та, аштық та, сұм соғыс та өтті. Әсіресе, ХХ ғасыр қазақ халқы үшін ауыр тиіп,қайғыға толы кезеңімен есте қалды.

Мың тоғыз жүз он алтыншы жылдағы көтеріліс,жиырмасыншы жылдардағы аштық,отызыншы жылдардағы тоталитарлық жүйе,ұлы Отан соғысы, мың тоғыз жүз сексен алтыншы жылғы жерді дүр сілкіндірген Желтоқсан оқиғасы.Бұның барлығы да қазақ жүрегіне ауыр жара салды.Қаншама қиыншылық келсе де біз оларды ешқашан ұмытпаймыз.Себебі, бұл—тарих. «Өткенімізді ұмытсақ,болашақ бізді кешірмейді» деген ұлы даналық сөз бар емес пе? Осы даналықты әрдайым жадымызда сақталғанын қалаймын.

Сонау ел басына түскен нәубет жылдары тарыдай шашырап кеткендердің елге оралған сәттегі туған жерді,ата-бабаларының кіндік қаны тамған топырақты құшырлана сүйген сәттегі бейнелерін көргенде қалайша толқымассың? Туған жердің қадірін шетке,жыраққа шығып көрмеген жете түсінбейді-ау! Міне,ежелден еркіндікті аңсаған азат халқымыз бүгінде арманына қол жеткізді. Тәуелсіз мемлекетке айналу бізге үлкен серпіліс, күш берді.Тарихи күш десе де болады.Біздің өз еркімізбен алға ұмтылуға мемлекет болып өркендеуге жол ашылды.Аллаға шүкір,арайлап атқан әрбір таңымыз, балапандарымыздың ешбір уайымсыз тәтті ұйқыға батуы- Тәуелсізідіктің арқасы деп ойлаймын.

Тәуелсіз мемлекет бола салысымен көптеген шұғыл сұрақтарға шешім табылды. Неше түрлі ауыртпашылық әкелген Семей полигоны жабылды.Арал теңізі мәселесі шешілді,тарихи мұра,мәдениетіміз табиғи байлығымызды өз игілігімізге қайтара алдық.Қазір біз болашағымызға сеніммен қарай алатын,зайырлы,өркениетті,жоғары қарқынмен дамып келе жатқан мемлекетпіз. Қазіргі таңда Қазақстанның өзіндік үні,пікірі мәртебесі бар. Біз әлемдік деңгейде аяғымызды сенімді басып, басқа…