Тәуелсіз ел ұланымын туралы шығарма үлгісі

Тәуелсіз ел ұланымын

Бізге азаттық азаппен , арпалыспен келген. Тәуелсіздік тәуекелге түскен. Сондықтан да бұл бақытымыз баянды, ұзағынан сүйіндіреді деп сенеміз.

Н.Ә. Назарбаев

«Біз мемлекет құрдық. Құрғанда да аты бар, заты жоқ мемлекет емес, бар адамзат танитын, танып қана қоймаған – мойындайтын, құрметтейтін мемлекет құра алдық,» – Елбасымыз Н.Ә. Назарбаевтың бұл сөздері арқылы Тәуелсіз қазақ елінің бүгінгі күнін айқын көрсетіп тұрғандай! Өйткені, қазір Қазақстан Республикасы дамудың жоғарғы деңгейіне көтерілді деп санаймын. Сан тараулы сынақтан өтіп, Тәуелсіздіктің шуақты күндерін кешіп келе жатқан қазақ елі бұл күнге өзінің шыдамдылығымен, ұстамдылығымен, ұлтжандылығымен, жаужүректілігімен қол жеткізді. Сүреңсіз күндерді бастан кешкен халқымыз әр сәтте Алладан күдер үзбей, сабырмен шыдады. Елбасының қанатты сөзі бар: «Күшті ұлт болу үшін, алдымен, ішкі бірлік, ұйымшылдық пен татулық қажет». «Ақтабан шұбырынды, Алқакөл сұлама» жылдарында, «Еділді тартып алғаны –

Етекке қолды салғаны.

Жайықты тартып алғаны –

Жағаға қолды салғаны.

Ойылды тартып алғаны –

Ойындағысы болғаны, – деп Мұрат ақын жырлаған қияң-кескі күндерде, талайдың өмірін жалмаған Ұлы Отан соғысы кезінде де, естен кетпес 1986 жылдың желтоқсанында – қазақ елі бірлікте, татулықта болды, бір-біріне қолдау көрсетіп, демеді. Сол бірліктің, қайсар рухтың жемісі Тәуелсіздік – біздің ең басты құндылығымыз. Тәуелсіздік – жігерлі жастардың айбынын асқақтатар ең қадірлі ұғым.

Бүгінде тәуелсіз еліміз азат ел болғанына 27 жыл. Біреуге аз, біреуге ұзақ уақыт. Дегенмен, осы жылдар ішінде еліміз біршама дамыды. Тәуелсіздік ұландары ел дамуына үлес қосуда. ХХІ ғасыр – білім мен ғылымның дәуірі. «Еркін елдің ертеңі – кемел білім мен кемел ғылымда» дегендей, бүгінгі қазақ жастары білімді, сауатты. Елім деп еңіреген ерлердің ізін жалғау тек білектің ғана емес, білімнің күшіне де тәуелді екенін ұғар ұрпақ келді «тарих сахнасына». Еліміздің тұңғыш Президенті ел жастарымен болған кезекті бір кездесуінде «Еркін елде өскен ұрпақтың рухы әрдайым биік болуы тиіс. Жастары жалын жүректі, өршіл намысты, биік рухты болса- ол елдің еңсесі де биік болады. Өршіл намысшыл, жас отаншыл, патриот келеді, халқына, өз ұлтына адал қызмет етуге ұмтылады»,- деген еді.

Халықтың, елдің болашағы, тіректері – мына біздер, жастар! Бойымыздағы патриоттық сезім шынайы болып, туған елімізді, жерімізді, тәуелсіздігімізді сақтауға абыроймен атсалысу – біздің азаматтық борышымыз. Өйткені, біз, тәуелсіз, азат елдің сенім артар ұланымыз. М.Жұмабаев атамыз да «мәңгілік елдің жастары» деп, болашақ ұрпаққа, яғни бізге сенім артты. «Қырандай күшті қанатты, арыстандай айбатты, жолбарыстай қайратты жастары» өз елінің тарихын біліп, оны естен шығармай, «Мәңгілік елдің» тұтқасын ұстар азамат болар деп үміт етті.

Бірлігі жоқ ел тозады,

Бірлігі күшті ел озады, – деген ата-бабамыздың мәңгілік өшпес аманаттарын берік ұстауымыз керек. Қазақ халқы ежелден-ақ үш нәрсені қасиет тұтып өтіпті. Соның бірі Отан мен туған жер. Еліміздің Президенті Нұрсұлтан Назарбаев Қазақстанды «Мәңгілік ел» деп атады. Бұл Қазақстанның экономикасы өрлеп, дамыған ел қатарына қосылатындығын дәлелдейді. Тіпті, Қазақстан атауын «Қазақ…