Қазақстан жастары – ел ертеңі туралы мақала

Қазақстан жастары – ел ертеңі

Айгүл НҰРАҚБАЕВА,

«Өрлеу» «БАҰО» АҚ филиалы

«Алматы облысы бойынша педагог қызметкерлердің

біліктілігін арттыру институты»

Қоғаммен байланыс және баспа қызметі бөлімінің

бас маманы

Елбасымыз Нұрсұлтан Әбішұлы Назарбаевтың 2018 жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауының маңызы айрықша деп білемін. Елбасымыз өзінің бірде-бір жолдауында жастар мәселесін ескерусіз қалдырған емес. Ұлт болашағы, тәуелсіздік тұтқасын ары қарай ұстайтын, Елбасының ауқымды стратегиялық межелерін, мақсаттарын іске асыратын – жастар қауымы. Сондықтан да Елбасы Нұрсұлтан Әбішұлы қашан да жастардың мәселесіне ерекше назар аударып, әрбір жолдауында жастарға үлкен ықылас танытады.

Мемлекет басшысының бұл жолғы жаңа Жолдауы да өзінің ерекше форматымен, аса өзектілігімен және тереңдігімен ерекшеленеді. Жолдауда Елбасы Н.Назарбаев: «Жастар мен отбасы институтын кешенді қолдау – мемлекеттік саясатының басымдылығына айналуы тиіс. Жастардың барлық санатын қолдауға арналған шараларды толық қамтитын әлеуметтік сатының ауқымды платформасын қалыптастыру керек. Келесі жылды Жастар жылы деп жариялауды ұсынамын», - деп айтып өтті.

Келер жылдың «Жастар жылы» деп жариялануы – еліміздегі жастар саясатына ерекше екпін, жаңа серпіліс сыйлайтыны анық. Біздің еліміздің жастарының потенциалы өте жоғары. Жастар қазіргі таңда Елбасының алға қойып отырған мәселелерінің барлығын зерделеп, зерттеп, бірқатарын іске асыруды алдын бастап та кетті.

Біздің алдымызда Елбасы бастаған, еліміз қолдаған асқаралы міндеттер тұр. Бүгінгі таңда жылдам дамып, сәт сайын өзгеріп отырған қоғамда қордаланып қалған, күрмеуі қиын мәселелер көп. Сонымен қатар, жастардың алдына да қойылып отырған мақсат-міндеттер аз емес. Тығырықтан шығудың жалғыз жолы – білімді ұрпақ. Бүгінгі жастардың бақытына орай, бізде тегін білім алып, ғылыммен шұғылданып, идея бөлісіп, оны жүзеге асыруға толық мүмкіндік жасалған.

Дамыған қоғамның белгісі – ол білім, ғылым және мәдениетті жемісті түрде дамыту. Біздің мемлекетімізде елінің дамуы үшін үлес қосып қана қоймай, оның даму тарихын өзгерту мүмкіндігі бар жігерлі, талантты жастар өте көп. Қазақстан жастары – белсенді де жарқын топ. Олар кез келген шыңды, тіпті әлемді бағындыруға дайын. Ақылды да тапқыр, жас…