Қазақстанның болашағы туралы эссе жазу үлгісі

«Владимиров жалпы білім беретін мектебі» КММ

Эссе

Тақырыбы:

«Қазақстанның болашағы біздің қолымызда»!

7 «А» сынып оқушысы

Гужина Надежда

Жетекшісі: Алимгазинова Роза Токеновна

«Қазақстанның болашағы біздің қолымызда!»

Арыстандай айбатты,Жолбарыстай қайратты –Қырандай күштi қанатты.Мен жастарға сенемiн!Көздерiнде от ойнар,Сөздерiнде жалын бар,Жаннан қымбат оларға ар,Мен жастарға сенемiн!

Мағжан Жұмабаевтың осы өлең жолдары адамға үлгі боларлықтай , күш береді дегім келеді.«Еліміздің болашағы біздің қолымызда» деген қанатты сөз маған үлкен жауапкершілік, артқандай сезімде боламын. Қазақстан менің, ата-анамның туған жері. Мен, тәуелсіз елдің өскелең ұланы, кең-байтақ көсіліп жатқан жазиралы даланың кербез сұлулығына көз сүзіп өскен, бірлігі жарасқан халықтың татулығын «тұмар» деп білген, қарасаң көз тоймайтын әсем қала Астананы «Еуразияның жүрегі» деп таныған және де бірлігі берік, достастығы мығым Атамекенімді «жәннатым» деп танып, білімім мен қайрат-жігерімді өз елімнің мүддесіне жұмсауға ұмтылған жас ұланмын. Осы орайда, маған туған Отанымның тау-тасы мен топырағы, қаласы мен ауылы, бұрқырап шыққан түтіні мен өзен-көлі, ойқастаған жануары мен құрт-құмырсқасы, бәрі-бәрі ештеңеге айырбасталмайтын қымбат та құнды қазына екенін айта кеткім келеді.

Қазақстан менің Отаным деп мақтанышпен айта аламын.Елімізде көптеген ұлттар тату-тәтті өмір сүруде. Қазақстанның болашағы жарқын болатынына сенімім мол. Мектепте оқып жүріп достарыммен өз отанымыздың әйгілі жерлері мен атақты ұлы адамдарды үлгі тұтып отырамыз. Көк туды серік етіп, елдің, Отанның намысын өзге елдерде қорғап, әнұранымызды әлем төрінде шырқап, елдің атын шығарып жүрген ұландарымыз – еліміздің мақтанышты тұлғалары. Әлемдік додаларда елдің үкілеген үміттерін ақтап, Қазақстанның мерейін үстем етіп жүрген Г.Головкин, И.Ильин, С.Сәпиев, Д.Елеусінов, Ж.Жапарқұл, Е.Сметов сынды елдің патриот ұл-қыздары – Қазақстанның рухы өр, тәні бекем ел екенін әлемге насихаттап жүр.

Еліміздің сырға толы тарихы бізді терең ойландырып, тәуелсізідіктің қадіріне жетуіміз керек екенін түсінемін. Мектеп қабырғасында білім мен тәрбие алып, еліміз туралы бар жақсы жаңалықтардан хабардар болып, оның болашағы жайлы шолу жасап, болашағыма көз жүгіртіп отырамын. Жарқын болашаққа жету үшін адам жақсы оқып, өз елінің дамуына үлес қосып отыруы керек.

Қазақстан менің киелі мекенім, онсыз өмірімді елестете алмаймын. Осындай бейбіт елде жақсы өмір сүруіме қуанып жүремін. Қазақстан халқының тұрмыс-тіршілігі, қарым-қатынасы, ынтымақтастығы жақсы үйлесімде жалғасып келеді. Киелі мекенімде балалық шағым алаңсыз өтуде. Дегенмен, балалық шақтан бозбала шаққа қадам басудамыз, ересекпіз десе де болады. Еліміздің көркейуімен қатар, бізде есейіп келеміз. Өмір ағымы өз жолымен зулап келеді. Әр күнің адамға ой салатындай уақыт екенін түсініп келемін.

Қазақстанның тәуелсіздігіне биыл 33 жыл толады. Тәуелсіздігіміздің көк туын жылда мақтанышпен көтеріп, асқақ армандай желбіретіп, алға қадам басамыз. Тәуелсіздік жайлы ойлансам барлық ғұмырым алдымнан өтіп басымнан өткендей сезімде боламын. Неге, дейсіз ғой?Өйткені елімнің тарихын білу менің міндетім болғандықтан, мектептегі білім мен тәлім-тәрбиесінен елімнің қадір-қасиетін түсініп өсіп келемін. Бәрі көз алдымнан тізбектеліп өтететіндей кезеңдер болады. Болашаққа жету үшін тарихымызды жақсы білуіміз керек. Еліміздің басынан өткен тарихына үңілсек, алдыңнан кино сияқты тізбектеліп өтіп отырады. Мектептегі білім мен тәрбие, сыныптан тыс іс-шараларда әрдайым еліміздің тарихы жайлы сыр шертеді.Соның бір көрінісі ойыма келесідегідей сана…