Тәуелсіздік – тұғырым эссе үлгісі

Маңғыстау обылысы Ақтау қаласының

№3 жалпы білім беру орта мектебі, КММ

5 «а»-сынып оқушысы

Табынбай Гаухар эссе жұмысы

Тәуелсіздік –тұғырым

Отан, Отан бәрінен биік екен, Мен оны мәңгілікке сүйіп өтем! Отанды сүймеуің де күйік екен, Отанды сүйгенің де күйік екен!

М.Мақатаев

Мен тілім шығып ,жан жағымды танып,балабақшада жүргенде де Отан,туған жер, Қазақстан, Астана, Ақтау деген сөздерді көп естіп өстім. Мұның жүрегімізге жақын екенін де түсіндім.Енді міне мектеп табалдырығындамыз. Мектеп оқушылары жарқын, бәрі де мектепке барады, үйде дастарханы мол,тегін біліммен қамтамасыз етіліп отыр. Жан- жағымыздағы адамдар да бір- бірімен тату. Бұл мен өмір сүріп жатқан ел-бейбіт ел. Ол- Тәуелсіз Қазақстан. Тәуелсіздігімізді танытатын Елтаңбамыз,Әнұранымыз,Туымыз, төл теңгеміз бар.Спорттан жеңіске жеткен аға –апаларымыз шет елдерде Туымызды көкке желбіретті. Сол кезде елім үшін мақтанып,Әнұранға еріксіз қосылып айтып кетемін. Мен өз елімді жақсы көремін. Егемендігімізді танытатын бір жетістік - ана тіліміз деп білемін. Өз ана тілімізде еркін, таза сөйлей білу -міндетім.Өз тілін құрметтеген адамға басқалар да құрметпен қарайды деп ойлаймын.

«Біз тәуелсіздікті ақылмен, ата-баба жолымен алдық деп ойлаймын»-дейді Елбасымыз Н.Ә. Назарбаев. Мен де осы сөзді қолдаймын. Біз Тәуелсіздікке оңай жетпегенімізді тарихтан,әдебиеттен оқып ,танысып келеміз. Жақында менің мектебімнің жоғары сынып оқушылары Сабыр Адайдың «Тәуелсіздік толғауы» өлеңін мәнерлеп оқи отыра, түсініктерін көрініспен жеткізді. Ақтабан шұбырындыдан бастап, Желтоқсан көтерілісіне дейінгі тәуелсіздік көтерілістерін суреттеді. Соңында бір шаңырақ астында тату тәтті өмір сүріп жатқан әр ұлт өкілдерін көрсетіп,шашу шашып,мереке етіп аяқтады.Мен одан үлкен әсер алдым.Біздер ата- бабамыз қан төгіспен алып берген Тәуелсіз мемлекетте өмір сүріп отырмыз. Соны қадірлей білуміз керек. Біз,бүгінгі жас шәкірт, Тәуелсіз елге қандай үлес қосамыз?

Әрине,Тәуелсіз елдің әр азаматы Отанын сүйетін болса , оған жақсылық жасап та біледі.Біздің бүгінгі мақсатымыз: ата-ананы қадірлеу, сабақты жақсы оқу,туған жерімізді қадірлеу,таза ұстау.Мен осы жолда ізденіп келемін.Сабағымды жақсы оқимын,болашақта ата- анам секілді жоғарғы оқу орнында білім алғым келеді. Ол үшін білімімді тереңдеткім келеді. «Қазірде мемлекетіміз үштілділік деңгейде ынталандырылуы керек...»Бұл туралы Елбасымыз «Қазақстан-2050» жолдауында…