Қазақстанның көшбасшылық жолы әдеби монтажы

«Қазақстанның көшбасшылық жолы»

(әдеби монтаж)

Мақсаты: 1. Қазақ халқының тұңғыш Президенті Нұрсұлтан Әбішұлы Назарбаевтың өмір жолы, туып- өскен , оқып білім алған , қызмет еткен жерлері туралы мағлұмат беру;

2. Елбасының өмір жолынан үлгі ала отырып Отанын, халқын сүйюге, ержүректілікке, азаматтыққа, патриоттық сезімге тәрбиелеу.

3. Шәкірт жүрегінде Елбасына деген сүйіспеншілік сезімін ояту, құрметтеу.

Көрнекілігі: Слайдтар көрсету, шарлар, гүлдер

Мұғалімнің кіріспе сөзі:

Армысыздар құрметті ұстаздар, оқушылар! 1 желтоқсан елімізде тұңғыш рет ҚР тұңғыш Президенті күні болып тағайындалды және күнтізбемізге қызыл күн болып енгізілді. Осы атаулы мерекеге орай еліміздің түкпір - түкпірінде әр түрлі іс- шаралар өтуде. Осыған орай «Қазақстанның көшбасшылық жолы» тақырыбындағы мерекелік іс- шараны ашуға рұқсат етіңіздер.

Жүргізуші: Елбасы да өздерің сияқты бала болған. Көп нәрсені армандап, бала қиялын талай көкке ұшырған. Қаршадайынан еңбекке араласқан. Ата- анасына қолғабыс еткен. Оқуға, білімге ынтызар болған.

Жүргізуші: Міне , сол бала кезінен пайда болған қайсарлық, мақсат- мұратқа жету талабы, өзін- өзі қамшылап отыру, еліне , жеріне деген сүйіспеншілік Нұрсұлтан аталарыңды талай асулардан асырып, Қазақстан деп аталатын алып елдің көшбасшысы болу дәрежесіне көтерді. Біз осындай Елбасымызбен әрқашан мақтануымыз керек. Оның тағлымы мен тәлімі мол өмір жолын өзімізге үлгі етіп өсуіміз керек.

Жүргізуші: Ауыр күнді артымызға тастауы-

Қиын сәтте қиындықтан қашпауы.

Тілім, дінім, ұлтым қайта көгерген,

Елбасымыз Нұрағаның бастауы.

Туды ұстап тура жолға түсіріп,

Жас Отанның өмірін де түсініп.

«Елім, жерім» деп ұрандап тайсалмай,

Бір керемет жасады – ау кісілік.

Жүргізуші: Елбасымыз саған мәңгі разымыз,

Үлкен- кіші, ағайындар- бәріміз.

«Ұлтым, елім» деп қайғырған ұлы жан,

Сіз біздердің піріміз де, әніміз.

Жүргізуші: Ал енді 3- сынып оқушыларының мерекелік іс- шараға дайындағанын тамашалаңыздар.

Жүргізуші:

Біздің еліміз- Қазақстан.

Біздің Елбасы- Нұрсұлтан Назарбаев.

Мемлекеттік тіліміз- Қазақ тілі

Біздің Елордамыз- Астана

Мемлекеттік рәміздеріміз- Ту, Елтаңба, Әнұран.

Қазақстан туралы оқушыларымыздың баяндауынан...

1/ Ануар

2/ Нұрсұлу

3/ Разия

4/ Ислам

5/ Даниил

Өлеңдерді оқу.

Жүргізуші: Елбасымыздың өмір жолын хронологиялық тізбек бойынша 6- сынып оқушылары айтып береді .

1940 жылы Нұрсұлтан Назарбаев дүниеге келді. / Айнұр/

1960 жылы Днепродзержинск техникалық училищесін бітіреді./Олеся/

1967 жылы «инженер металлург» квалификациясына ие болды. /Саша/

1973 жылы Қарағанды металлургия комбинатының портком хатшысы./Алина/

1990 жылы Қазақ ССР Жоғарғы кеңесінің Төрағасы. /Әлемгүл/

1991 жылы 1 желтоқсанда Нұрсұлтан Назарбаевты Қазақстан Республикасының Президенті етіп сайлады. /Нұрсұлу/

1999 жылы кезектен тыс сайлау өтіп, Елбасымыз қайта 7 жылға сайланды.

Презентацияны Заманбек Навирахын баяндайды.

Сахналық көрініс. «Мен Президент боламын»

Қатысушылар: Иост Н, Джамбаева Н, Грасько А, Гацько К

Жүргізуші: Тәуелсіздіктің туы желбірегеніне де, міне, 20 жыл толды. Осынау уақыт ішінде елімізде қиыншылықтар аз болған жоқ. Бірақ соның бәрін жеңе отырып, талай- талай жетістіктерге қол жеткіздік. Қазақстанды бүкіл әлем таныды. Экономикамыз дамыды. Ырысымыз артты. Ынтымағымыз нығая түсті. Еліміз аман, жұртымыз тыныш. Бейбіт заман.

Жүргізуші: Кезекті әнге берейік. «Менің Қазақстаным»

Жүргізуші: Президенттің балалық шағына келетін болсақ...

Балалық бал дәуренді, жастық шақты еске ала отырып Нұрсұлтан Назарбаевтың өзі былай дейді:

Біздің зердемізге , әсіресе күйінішті сәттерде, алыста қалған балалық шақтың оралатыны кездейсоқ емес. Әсіресе ұдайы ашқұрсақ жүруім санамда күштірек жатталып қалыпты. Бұл соғыстан кейінгі жылдар еді...

... Мені құлқын сәріден оятар еді, мен арбаға есек жегіп, жұмысшы қалашығындағы ертеңгі сағат алтыда ашылатын дүкенге уақтылы жетіп үлгеру үшін ауылдан асыға шығатынмын. Шұбатылған ұзақ кезекке тұратынмын. Мұндай нанды ұзақ сақтауға болмайды. Бөлкелерді турап- турап , кептіру үшін күн көзіне қоятынбыз. Бұл бәріміз үшін зор қуаныш болатын. Айран ұйытып, жүгері талқанын жейтінбіз. Біздің үй ғана емес, айнала төңіректегілердің бәрі осылай тірлік ететін...

Жүргізуші: Әкем таудың қия бетіне бірнеше гектар бидай егіп, астығын клохозға өткізу тапсырылғаны есімде. Бидай піскенде әкем екеуміз оны қолмен оратынбыз. Біз шешем екеуміз көмектеміз.

Оқу маған о бастан жеңіл тиді. Мен төртінші сыныпқа дейін әкемнің інісінің үйінде жатып тұратынмын. Ұйқылы көзбен қалың қарды омбылап, 6-7 шақырым жол жүріп, мектепке жететінмін. Жеткен кезде кейде сағат әлі бес не алты болып шығатын. Ондайда күзетшінің қайырымы түссе жақсы, есік ашып, ішке кіргізеді, пеш жағады. Үйге берілетін тапсырманы орындайтын уақыт тек түн мезгілі ғана. Өйткені , атқаратын шаруа шаш- етектен: малға шөп салу, қорадағы малдың астын тазалау, су әкелу жұмыстар тіпті таусылмайды.

Сабаққа дайындалуға да, өзім қатты құмартып оқуға алған кітапты оқуға да уақыт табатын болдым. Пушкиннің, Лермонтовтың, Лев Толстойдың , Горкийдің, өзіміздің қазақ классиктері - Мүсіреповтің, Әуезовтің, Мұқановтың көптеген туындыларын оқып шығуымның сәті түсті.