Қазақстанның табиғаты мен тарихы туралы мақала 11-сыныпқа

Қазақстан – Еуразияның жүрегінде орналасқан, табиғаты алуан түрлі, мәдениеті бай ел. Көшпенділер өркениетінің ізі қалған кең даласы, биік таулары, көгілдір көлдері мен шөлейтті өңірлері туристер үшін ерекше тартымды. Соңғы жылдары елімізге шетелдік саяхатшылардың қызығушылығы артып келеді. Себебі бұл өлке – табиғат пен тарихтың үйлесімін көргісі келетіндер үшін таптырмас бағыт.

Қазақстанның көрікті жерлерін атап өтер болсам;

1.Бурабай ұлттық паркі– "Қазақстанның Швейцариясы" атанған өлке. Орман, таулар мен тұнық көлдер біріккен көркем табиғат.

2.Шарын шатқалы– 12 миллион жыл бұрын пайда болған табиғи ғажайып. АҚШ-тағы Үлкен Каньонға ұқсайды.

3.Көлсай мен Қайыңды көлдері– Тянь-Шань тауларында орналасқан, суы мөлдір, ерекше экожүйелі аймақ.

4.Алтын Емел ұлттық паркі– "Әншіқұм" деп аталатын дыбыс шығаратын құм төбесі мен тарихи Жетісу жотасы орналасқан.

5.Түркістан қаласы* – тарихи-мәдени мұраның алтын ордасы. Қожа Ахмет Ясауи кесенесі – ЮНЕСКО тізімінде.

6.Алаша хан, Домалақ ана кесенелері, Тамғалы тас петроглифтері– мәдени-тарихи бағыттағы саяхатқа қызығушылар үшін.

Қазақстан – ашылмаған қазына. Шетелдік туристерге үндеу жасай отырып айтқым келеді;

Егер сіз:

-табиғи сұлулықты ұнатсаңыз Көлсай, Бурабай сізді таңғалдырады;

– тарихи ескерткіштерге қызықсаңыз Түркістан мен Тараз сізді күтіп тұр;

– экстрим мен шытырман саяхат іздесеңіз Шарын мен Алтай сізге лайық!

Біздің ел – қауіпсіз, қонақжай және ерекше мәдениетке толы.

Статистикалық мәліметтерге келер болсам;

Kazakh Tourism дерегі бойынша 2023 жылы Қазақстанға 1,2 млн-нан астам шетелдік турист келген .Ең көп келген елдер: Өзбекстан, Ресей, Түркия, Германия, Қытай.

Туристік инфрақұрылым бойынша соңғы 5 жылда 300-ден аса жаңа қонақүй мен демалыс орныашылған. Елде 14 ұлттық парк, 10 қорық, 25-тен астам тарихи-мәдени мұра нысаны бар.

Қорытынды бөлімінде айтарым, Қазақстан – табиғи байлық пен тарихи тереңдікті бір бойына жинаған ел. Бұл жер – көргісі келгенге керемет әсер, зерттегісі келгенге терең таным, демалғысы келгенге тыныштық сыйлайды. Туристер үшін бұл ел – нағыз таңғажайып мекен. Ендеше, Қазақстанға келіңіздер – бұл жер сізді бейжай қалдырмайды!