Қазақстаным жүрегім Түркістаным тірегім 11 сынып

Ж.Нұрлыбаев атындағы №49 жалпы орта мектебі коммуналдық мемлекеттік мекемесі

Тәрбие сағаты

Тақырыбы:

«Қазақстаным-жүрегім,Түркістаным- тірегім»

Дайындаған : Э.Жаманқараева

Сабақтың тақырыбы : Қазақстаным жүрегім, Түркістаным тірегім

Сабақтың мақсаттары:

1.Білімділік: Оқушыларға күллі түркі халқының рухани орталығына айналған Түркістан қаласы туралы мәлімет беру. Қазақстандық даму бағытында патриоттық үлгіде өздерін көрсете және өз еліне пайдалы бола алатын, Жаңа Қазақстандық Патриотизмнің құндылықтары мен мұраттары жүйесін иеленетін білім алушы-патриот тәрбиелеу. Сонымен қатар, Түркістандық жастардың жаңа міндеттерін айқындай отырып, туған жерге деген құрметі мен сүйіспеншілігін арттыру.

2.Дамытушылық: Оқушылардың сөздік қорын, көзқарасын,есте сақтау қабілеттерін дамыту;

3. Тәрбиелік: Өз еліне, жеріне деген мақтаныш сезімдерін қалыптастыру.

Сабақтың көрнекілігі:«Киелі Түркістан» бейнетаспа, нақыл сөздер, суреттер, плакаттар

Пәнаралық байланыс: тарих, география, әдебиет.

Сабақтың барысы:

I.Ұйымдастыру кезеңі:

Оқушылардың зейінін сабаққа аудару.

II.Миға шабуыл

- Қазақ жерінде ең алғашқы қалалар қашан пайда болды?

- Қазақ жерінде қандай көне қалалар болды?

- Сақталып қалған көне қалаларды атаңдар?

ІІІ. Қызығушылықты ояту.Мұғалім сөзі:- Жаңа сабағымызды Елбасымыз Н. Ә. Назарбаевтың сөзімен бастағалы тұрмын:"Біз өзіміздің белгілі тарихымыз бен өзіндік болашағымыз бар еуразиялық елміз"(Интерактив тақтадан оқу)

IV. Сабақтың мақсатын қою кезеңі:

Бүгінгі сабағымыз

Күллі түркі еліне ұран болған Түркістан,

Бір көруге адамдар арман болған Түркістан,

Түркі тілдес елдерге тірек болған Түркістан.

Мына екі дүниеге жүрек болған Түркістан қаласына арналады.

V. Жаңа сабақты түсіндіру кезеңі:

1. «Киелі Түркістан» бейнетаспасы арқылы ежелгі қалаға саяхат.

Түркістан қаласы қазақ хандығының ең бірінші астанасы. Түркістан шаһары Оңтүстік Қазақстан облысында орналасқан. Ол 18 ғасырда Оңтүстік Қазақстанның астанасы болған. Түркістан ертеде Шам, Тұран, Шабғар, Йасы деп аталған. «Түркістан» сөзі «Түріктер мекені» немесе «Батырлар елі» деген мағынаны білдіреді.Түркістан – қасиетті рухани қала. Түркістанды «Екінші Мекке» деп атаған. Оны Меккемен салыстырады. Мекке Сауыт Аравиясында орналасқан. Адамдар Меккеге қажылыққа барып, тілек тілейді. Егер Түркістанға 3 рет барсаң, Меккеге 1 рет барғанмен тең болады.

2.Түркістан қаласына экскурсияға барып келген оқушылардың әңгімесін тыңдау. Бейнетаспадан Қожа Ахмет Иасауи кесенесімен танысу.